28 qarashada Astanada Ujymdyq Qaýipsizdik týraly shart uiymynyń (UQShU) sammiti ótedi. Bul sharaǵa TMD-nyń Bas hatshysy Sergei Lebedev pen ShYU-nyń Bas hatshysy Chjan Min shaqyryldy. Aqparatty Qazaqstan Syrtqy ister ministrliginiń baspasóz qyzmeti rastady, dep habarlaidy Dalanews.kz.
Sammitke Resei basshysy Vladimir Pýtin, Qazaqstan prezidenti Qasym-Jomart Toqaev, Belarýs kóshbasshysy Aleksandr Lýkashenko, Qyrǵyzstan prezidenti Sadyr Japarov, Tájikstan prezidenti Emomali Rahmon jáne UQShU Bas hatshysy Imanǵali Tasmaǵanbetov qatysady dep josparlanýda.
Sammit barysynda aimaqtyq jáne jahandyq qaýipsizdik máseleleri, sondai-aq Qazaqstannyń UQShU tóraǵalyǵy kezinde júzege asyrylyp jatqan basym baǵyttar talqylanatyn bolady dep habarlandy.
Aita keteiik,Armeniia Ujymdyq qaýipsizdik týraly shart uiymynyń (UQShU) sammitine qatyspaidy.
Bul týraly eldiń syrtqy ister ministri Ararat Mirzoian málimdegen bolatyn.
"Armeniia UQShU syrtqy ister ministrleri keńesiniń, qorǵanys ministrleri keńesiniń jáne qaýipsizdik keńesi hatshylary komitetiniń otyrystaryna qatyspaidy",—dedi ol.
Atalǵan aqparatty Reseidiń UQShU janyndaǵy turaqty ókili Viktor Vasilev RIA Novosti agenttigine rastady.
"Armeniialyq áriptester bul is-sharaǵa jeke qatysýdan bas tartty. Sonymen qatar olar bekitilýi tiis barlyq qujattyń shekteýli formatta qabyldanýyna qarsy emes", — dep túsindirdi ókil.
