Astanadaǵy «Qazanat» ippodromynda 19-20 shilde kúnderi halqymyzdyń ejelgi ári kieli sýsyny – qymyzǵa arnalǵan buryn-sońdy bolmaǵan kólemdegi «BaiQymyz – baptalǵan qymyz jáne ulttyq taǵamdar» gastrofestivali ótedi,- dep habarlaidy Dalanews.kz
Qazaqstannyń barlyq óńirinen 50-den astam qymyz óndirýshi qatysady. Is-shara barysynda jalpy kólemi 16 tonnaǵa jýyq qymyz usynylady dep kútilip otyr. Gastrofistivalge qatysý tegin.
Festivalge 50-60 myń adam kelýi múmkin. Qonaqtar eki kún boiy ártúrli óńirlik qymyzdan dám tatyp, shipaly sýsynnyń qasietimen tanysady. Qymyzdyń emdik qýaty men dástúrli daiyndalý ádisteri sheberlik sabaqtary men ǵylymi konferentsiialarda keńinen talqylanady.
«Eń úzdik qymyz» ataǵy úshin baiqaý festivaldiń basty oqiǵasy bolmaq. Sapasy men dámi úilesken, dástúrli ádispen daiyndalǵan eń shipaly qymyz ieleri qomaqty júlde qoryna ie bolady.
Júlde qory – 45 million teńge:
• I oryn – 20 mln teńge;
• II oryn – 15 mln teńge;
• III oryn – 10 mln teńge.
Qymyzben qatar, shara aiasynda jylqy kórmesi, qazaqi tuqymdardy tanystyrý, at ábzelderi jármeńkesi, ulttyq sport túrlerinen jarystar, qolóner sheberleriniń sheberlik sabaqtary, ǵylymi konferentsiia jáne aýktsiondar ótedi. Bul arqyly jylqy mádenieti men aýyl sharýashylyǵyna tyń serpin berý kózdelip otyr.
Festival qonaqtary Germaniia, Resei, Qyrǵyzstan elderinen kelgen ǵalymdar, dárigerler men veterinarlardyń baiandamalaryn tyńdap, qymyz kapsýlalaý, ashytý tehnologiiasy, saqtaý ádisteri siiaqty zamanaýi tásildermen tanysady.
