Elordada órt qaýpi joǵary kezeń bastaldy. Osyǵan bailanysty Astana TJD qala aýmaǵynda jáne oǵan irgeles ýchaskelerde órt qaýipsizdigi talaptaryn saqtaý boiynsha usynystaryn jariialady, dep habarlaidy Dalanews.kz
Órt qaýipsizdigi sharalary aiasynda jergilikti atqarýshy organdarmen birlese otyryp, qurǵaq shópti shabý jumysy júrgizildi. Halyq arasynda profilaktikalyq jumystarǵa erekshe kóńil bólinedi.
Órt qaýpi joǵary kezeńde tabiǵi órtterdiń aldyn alý jáne ottyń taralýynan obektilerdi qorǵaý maqsatynda kelesi aldyn alý sharalaryn saqtaý usynylady:
- qurǵaq shóp pen qamysty ýaqytyly shabý, qoqysty jáne janǵysh qaldyqtardy shyǵarý;
- qurǵaq shóp pen qaldyqtardy ruqsatsyz órteýge jol bermeý;
- ashyq otty paidalanǵan kezde órt qaýipsizdigi talaptaryn saqtaý;
- órt jaǵdailary anyqtalǵan kezde dereý 101 jáne 112 qutqarý qyzmetine habarlaý qajet.
Sonymen qatar, tabiǵat aiasynda demalatyn azamattarǵa mynadai órt qaýipsizdigi erejelerin saqtaý usynylady:
- qurǵaq shópke jaqyn jáne jeldi kúnderi ot jaqpaý;
- otty nazardan tys qaldyrmaý;
- otty tolyq sóndirip, sý quiý nemese topyraqpen kómý arqyly óshirý;
- Órt týdyrýy múmkin janyp turǵan sirińkelerdi, temeki tuqyldaryn jáne shyny qaldyqtaryn tastamańyz.
