ەلوردادا ٶرت قاۋپٸ جوعارى كەزەڭ باستالدى. وسىعان بايلانىستى استانا تجد قالا اۋماعىندا جەنە وعان ٸرگەلەس ۋچاسكەلەردە ٶرت قاۋٸپسٸزدٸگٸ تالاپتارىن ساقتاۋ بويىنشا ۇسىنىستارىن جارييالادى, دەپ حابارلايدى Dalanews.kz
ٶرت قاۋٸپسٸزدٸگٸ شارالارى اياسىندا جەرگٸلٸكتٸ اتقارۋشى ورگاندارمەن بٸرلەسە وتىرىپ, قۇرعاق شٶپتٸ شابۋ جۇمىسى جٷرگٸزٸلدٸ. حالىق اراسىندا پروفيلاكتيكالىق جۇمىستارعا ەرەكشە كٶڭٸل بٶلٸنەدٸ.
ٶرت قاۋپٸ جوعارى كەزەڭدە تابيعي ٶرتتەردٸڭ الدىن الۋ جەنە وتتىڭ تارالۋىنان وبەكتٸلەردٸ قورعاۋ ماقساتىندا كەلەسٸ الدىن الۋ شارالارىن ساقتاۋ ۇسىنىلادى:
- قۇرعاق شٶپ پەن قامىستى ۋاقىتىلى شابۋ, قوقىستى جەنە جانعىش قالدىقتاردى شىعارۋ;
- قۇرعاق شٶپ پەن قالدىقتاردى رۇقساتسىز ٶرتەۋگە جول بەرمەۋ;
- اشىق وتتى پايدالانعان كەزدە ٶرت قاۋٸپسٸزدٸگٸ تالاپتارىن ساقتاۋ;
- ٶرت جاعدايلارى انىقتالعان كەزدە دەرەۋ 101 جەنە 112 قۇتقارۋ قىزمەتٸنە حابارلاۋ قاجەت.
سونىمەن قاتار, تابيعات اياسىندا دەمالاتىن ازاماتتارعا مىناداي ٶرت قاۋٸپسٸزدٸگٸ ەرەجەلەرٸن ساقتاۋ ۇسىنىلادى:
- قۇرعاق شٶپكە جاقىن جەنە جەلدٸ كٷندەرٸ وت جاقپاۋ;
- وتتى نازاردان تىس قالدىرماۋ;
- وتتى تولىق سٶندٸرٸپ, سۋ قۇيۋ نەمەسە توپىراقپەن كٶمۋ ارقىلى ٶشٸرۋ;
- ٶرت تۋدىرۋى مٷمكٸن جانىپ تۇرعان سٸرٸڭكەلەردٸ, تەمەكٸ تۇقىلدارىن جەنە شىنى قالدىقتارىن تاستاماڭىز.
