Astanada nesie alýǵa bailanysty alaiaqtyq shemaǵa tosqaýyl qoiyldy, dep habarlaidy dalanews.kz.
Jábirlenýshiler «Damý» qorynyń baǵdarlamasy boiynsha 100 mln teńge mólsherinde jeńildetilgen nesie alýǵa járdemdesýi úshin alaiaqqa árqaisysy 1 mln teńgeden bergen. Ol azamattarmen konsaltingtik qyzmetter kórsetý týraly jalǵan sharttar jasasyp aldaǵan.
Keltirilgen materialdyq shyǵynnyń jalpy somasy 4 mln teńgeni qurady. Prokýror sotta sottalýshynyń kinásin tolyq dáleldedi.
Sot úkimimen oǵan 4 jyl 6 ai merzimge bas bostandyǵynan aiyrý jazasy taǵaiyndaldy. Sot úkimi zańdy kúshine endi.
Astana qalasynyń prokýratýrasy azamattardy qyraǵylyq tanytýǵa jáne tek ýákiletti uiymdarǵa júginýge shaqyrady. Aqshalai syiaqy úshin, ásirese deldaldar arqyly nesie alýǵa járdemdesýdi usyný alaiaqtyq áreketterdiń belgisi bolýy múmkin.
