Qazaqstan Respýblikasynyń Konstitýtsiiasy – memleketimizdiń eń basty qujaty. Onda árbir azamattyń quqyqtary men bostandyqtary aiqyn kórsetilgen. Solardyń ishinde urpaq bolashaǵyna erekshe mán beretin baptardyń biri – balalardyń tegin orta bilim alýǵa quqyǵy. Astana qalasy Syrbai Máýlenov atyndaǵy №37 mektep-litsei direktory Gúljan Tóleý muny memlekettiń jas urpaqqa jasaǵan eń úlken qamqorlyǵy ári el damýynyń berik negizi dep esepteidi,- dep habarlaidy Dalanews.kz
Onyń aitýynsha, Ata zańda bekitilgen osy quqyqtyń arqasynda qazirgi ýaqytta elimizdiń barlyq óńirinde balalar mektepke baryp, bilim alýǵa teń múmkindikke ie. Bul igilikti is Astana qalasyndaǵy Syrbai Máýlenov atyndaǵy №37 mektep-litseiinde de júieli júzege asyp jatyr.
«Biylǵy oqý jylyndaǵy tyń jańalyǵymyz – mekteptiń eki aýysymdy bilim berý tártibine kóshý qýanyshy. Bul nátijege, eń aldymen, Memleket basshysy Qasym-Jomart Kemeluly Toqaevtyń ulttyq jobasy zamanaýi keleshek mektepteriniń salynýynyń arqasynda jetip otyrmyz. Qazirgi tańda mekteptiń jobalyq qýatyna sáikes, 3500 oqýshymen jańa oqý jylyn bastaǵaly otyrmyz. Olardyń jan-jaqty damýyna jaǵdai jasalyp, oqý protsesin sapaly uiymdastyrý úshin mektep ǵimaraty jóndeýden ótip, oqý-ádistemelik quraldarmen qamtamasyz etilip, materialdyq jabdyqtaý júzege asyrylǵan. Biylǵy oqý jylynan bastap jasandy intellekt (JI) boiynsha 1-11 synyptar úshin arnaiy kýrstar bastalatyn bolady.
Oqýshylardyń bos ýaqytyn tiimdi uiymdastyrý maqsatynda túrli úiirmeler men sektsiialar jumys isteidi. Sporttyq jarystar men pándik olimpiadalar, ǵylymi jobalarǵa qatysyp júrgen shákirtterimizdiń jetistikteri de az emes. Sondai-aq búgingi kúni 200-ge jýyq oqýshymyz áleýmettik qoldaýdy qajet etetin balalarǵa arnalǵan memleket tarapynan kórsetiletin qarjylai jáne materialdyq qoldaýdy sezinip otyr», - dedi Gúljan Dáribaiqyzy.
Onyń aitýynsha, Konstitýtsiiada kórsetilgen qaýipsiz ortada tegin bilim alý quqyǵy – búgingi ómirimizde naqty júzege asyp otyrǵan baǵa jetpes múmkindik. Bilimge jol ashý arqyly memleket jas urpaqtyń jarqyn bolashaǵyna airyqsha qoldaý jasap otyr.
