Astanada liftide qyzǵa tiisken er adam 15 táýlikke qamaýǵa alyndy. Bul týraly mamandandyrylǵan aýdanaralyq ákimshilik sot málimdedi, dep habarlaidy Dalanews.kz.
Oqiǵa 11 aqpan kúni tańerteń qaladaǵy turǵyn úi keshenderiniń birinde bolǵan. Sot dereginshe, 2014 jyly týǵan qyz lift kútip turǵan kezde qasyna beitanys er adam kelip, kúmándi áreket jasaǵan. Aldymen liftke qyz kirip, artynsha er adam mingen. Qyz buryshqa jaqyn turǵan sátte er adam ainalyp ótip, onyń dál artyna tym jaqyn kelip turǵan. Sol kezde qyzdyń riýkzagyna tiip ketip, sómkesi jerge qulaǵan. Qyz artyna burylǵan mezette er adam liftten shyǵyp ketken.
Sotta er adam kinásin moiyndamaǵan jáne áreketiniń sebebin túsindirmegen. Qyzdyń anasynyń aitýynsha, sol kúni ol úiine alańdap oralǵan.
Isti qaraǵan sot er adamnyń kámeletke tolmaǵan balanyń jeke keńistigin ádeii buzǵanyn anyqtap, ony usaq buzaqylyq jasaǵany úshin kináli dep tanydy. Nátijesinde oǵan 15 táýlikke ákimshilik qamaýǵa alý jazasy taǵaiyndaldy. Qaýly ázirge zańdy kúshine engen joq.
