Biyl Qazaqstanda Konstitýtsiianyń qabyldanǵanyna 30 jyl tolady. Osy tarihi mereitoiǵa orai elordada merekelik, sporttyq, mádeni jáne tanymdyq is-sharalardyń tutas legi uiymdastyrylady. Baǵdarlamada týrnirler, dárister, quqyq sabaqtary, kontsertter, festivalder jáne taǵy basqa kóptegen is-shara bar,- dep habarlaidy Dalanews.kz
23 tamyz kúni Baiqońyr aýdany ákiminiń kýbogy úshin memlekettik organdar arasynda «Zań jáne tártip» tujyrymdamasy aiasynda fýtbol týrniri ótedi.
24 tamyzda Qazaqstan Respýblikasy Konstitýtsiiasynyń 30 jyldyǵyna orai «Ulytaý» sport-saýyqtyrý kesheninde qyzdar arasynda qala chempionaty – ashyq voleibol jarysy uiymdastyrylady. Sol kúni Triatlon saiabaǵynda «ALMATY RUN» júgirý marafony ótedi.
25 tamyzda saǵat 15:00-de №4 qalalyq kitaphana oqyrmandaryn «Ata zańymyz – aibatty!» atty quqyq sabaǵyna shaqyrady.
Belsendi uzaq ómir súrý ortalyǵynda zeinetkerler arasynda shahmattan jarys ótedi. E.Serkebaev atyndaǵy balalar mýzyka mektebi osy kúni «Konstitýtsiia – birliktiń simvoly» atty chellendjdi bastaidy.
26 tamyzda Baiqońyr aýdany ákimdigi men Táttimbet atyndaǵy №1 óner mektebi «Aibarly asqar eldi asqaqtatar ata zań!» taqyrybynda poeziia baiqaýyn ótkizedi.
27 tamyz kúni qala turǵyndary men qonaqtaryn mazmundy tanymdyq baǵdarlama kútip tur.
Bul kúni Astanada 13-14 jáne 15-16 jas aralyǵyndaǵy jasóspirimder arasynda velosporttan «Astana qalasynyń kýbogy», sondai-aq kishi razriadtaǵy sportshylar arasynda kórkem gimnastikadan ashyq chempionat ótedi.
«Jetisý» saiabaǵynda erekshe balalarǵa arnalǵan inkliýzivti festival uiymdastyrylady. Sonymen qatar, elordalyq jastardyń aqsaqaldarmen kezdesýi ótedi. Urpaqtar dialogy «Bizdiń zań – bizdiń bolashaq» taqyrybyna arnalmaq.
Jastar uiymdary ekologiialyq aktsiia ótkizip, Konstitýtsiia kóshesindegi saiabaqty tazalaidy.
Saǵat 11:00-de Ortalyq balalar men jasóspirimder kitaphanasy oqyrmandarǵa arnalǵan «Ata Zań – altyn dińgegimiz» atty kórme men taǵylym saǵatyn daiyndaidy.
Ulttyq akademiialyq kitaphanada «Qazaqstan Respýblikasy Konstitýtsiiasynyń 30 jyly: memlekettilikti nyǵaitý jáne zań ústemdigi» atty kezdesý ótse, Ulttyq qoljazbalar men sirek kitaptar ortalyǵynda «Konstitýtsiia – táýelsizdiktiń tiregi» atty kórme ashylady.
Esil aýdanynyń ákimdigi №103 orta mektepte «Konstitýtsiia jáne men» taqyrybynda BIR TOLQYNDA dialog alańyn ótkizedi. Al Baiqońyr aýdanynyń ákimdigi «Ata Zań» taqyrybynda poeziia baiqaýyn uiymdastyrady.
28 tamyz kúni saǵat 10:00-de zaǵip jáne nashar kóretin azamattarǵa arnalǵan arnaiy kitaphanada «Aibarly asqar eldi asqaqtatar ata zań» atty tanym saǵaty ótedi.
Ál-Farabi atyndaǵy Oqýshylar saraiy «Adaldyq – senim» atty chellendjdi bastaidy.
Elordadaǵy Dostyq úiinde etnomádeni birlestikterdiń jastar qanattary arasynda «Konstitýtsiia – ádilet pen birliktiń kepili» taqyrybynda pikirtalas ótedi.
Baiqońyr aýdanynyń ákimdigi 25 tamyzda balalar arasynda «Ata Zań – táýelsizdik tiregi» atty sýret baiqaýyn ótkizse, 29 tamyzda «Kitap Qala» kitaphanasynda «Konstitýtsiia – máńgilik eldiń tuǵyry» atty kitap kórmesin uiymdastyrady.
27-28 tamyzda Baiqońyr aýdanynyń Belsendi uzaq ómir súrý ortalyǵynda eńbek ardagerleri arasynda ústel tennisi men shahmattan jarystar ótedi.
29-30 tamyzda da birqatar is-shara josparlanǵan.
28-30 tamyz kúnderi Nura aýdanynda sporttyq jarystar legi ótedi. 28 tamyzda saǵat 10:00-de №79 mektepte Konstitýtsiia kúnine orai «Ata zańym – aibynym» atty oqýshylar arasynda shahmat týrniri ótedi. 29 tamyzda saǵat 09:00-de №78 mektepte aýdan mekemeleri qyzmetkerleri arasynda shaǵyn fýtboldan týrnir uiymdastyrylady. 30 tamyzda saǵat 09:00-de №79 mektepte Nura aýdany quqyq qorǵaý organdary qyzmetkerleri arasynda shaǵyn fýtboldan jarys ótedi.
29 tamyzda saǵat 11:00-de «ALJIR» mýzei-memorialdy kesheninde «Ata zańym – aibynym» atty dáris ótedi.
«Alataý» sport kesheninde osy ýaqytta quqyq qorǵaý organdary qyzmetkerleri arasynda qol kúresi, gir tasyn kóterý, arqan tartý saiystary uiymdastyrylady.
Qaladaǵy qoǵamdyq oryndarda – vokzaldarda, áýejaida, saiabaqtarda, saýda ortalyqtarynda Qazaqstannyń Memlekettik týy taratylyp, tanymdyq viktorinalar ótkiziledi.
29 tamyzda saǵat 19:00-de Erkeǵali Rahmadiev atyndaǵy Memlekettik akademiialyq filarmoniiada «Jasai ber, Qazaq eli» atty merekelik kontsert ótedi.
Sol kúni saǵat 19:00-de Esil ózeni jaǵalaýyndaǵy amfiteatrda «Ata Zań – azat eldiń arqaýy» atty kontserttik baǵdarlama ótedi.
Mereke kúnderi elordada respýblikalyq balalar sýret baiqaýy «Qazaqstan Respýblikasy Konstitýtsiiasyna – 30 jyl: men óz quqyqtarym men mindetterimdi bilemin» uiymdastyrylady.
№1 balalar mýzyka mektebi men №2 óner mektebi «Ata zańym – aibarym» atty kontsert daiyndady.
30 tamyz kúni saǵat 12:00-de Á.Mámbetov atyndaǵy Memlekettik drama jáne komediia teatrynyń aldynda ashyq aspan astynda merekelik kontsert ótedi.
«Aspan» sport kesheninde jasóspirimder men jastar arasynda asyq atýdan ashyq chempionat ótedi. Nura aýdany mektepterinde oqýshylar arasynda shahmat týrniri uiymdastyrylady.
30 tamyzda «Astana ormany» velojolynda Konstitýtsiia kúnine arnalǵan jappai velosherý ótedi.
«Dáýlet» tennis ortalyǵynda áýesqoi tennis týrniri, al «Ulytaý» sport kesheninde erler arasynda voleiboldan Ashyq chempionat uiymdastyrylady.
30 tamyzda «Arbat» alańynda etnomádeni ortalyqtardyń merekelik kontserti ótedi.
31 tamyzda elordada «Saryarqa Run» marafony ótedi.
Sonymen qatar, Qazaqstan Konstitýtsiiasynyń 30 jyldyǵyna orai qalanyń barlyq aýdanynda jańa aýla keńistikteri ashylyp, 14 myń orynǵa arnalǵan jaily mektepter men jańa balabaqshalar esigin aiqara ashady.
