بيىل قازاقستاندا كونستيتۋسيانىڭ قابىلدانعانىنا 30 جىل تولادى. وسى تاريحي مەرەيتويعا وراي ەلوردادا مەرەكەلىك، سپورتتىق، مادەني جانە تانىمدىق ءىس-شارالاردىڭ تۇتاس لەگى ۇيىمداستىرىلادى. باعدارلامادا تۋرنيرلەر، دارىستەر، قۇقىق ساباقتارى، كونسەرتتەر، فەستيۆالدەر جانە تاعى باسقا كوپتەگەن ءىس-شارا بار،- دەپ حابارلايدى Dalanews.kz
23 تامىز كۇنى بايقوڭىر اۋدانى اكىمىنىڭ كۋبوگى ءۇشىن مەملەكەتتىك ورگاندار اراسىندا «زاڭ جانە ءتارتىپ» تۇجىرىمداماسى اياسىندا فۋتبول ءتۋرنيرى وتەدى.
24 تامىزدا قازاقستان رەسپۋبليكاسى كونستيتۋسياسىنىڭ 30 جىلدىعىنا وراي «ۇلىتاۋ» سپورت-ساۋىقتىرۋ كەشەنىندە قىزدار اراسىندا قالا چەمپيوناتى – اشىق ۆولەيبول جارىسى ۇيىمداستىرىلادى. سول كۇنى ترياتلون ساياباعىندا «ALMATY RUN» جۇگىرۋ مارافونى وتەدى.
25 تامىزدا ساعات 15:00-دە №4 قالالىق كىتاپحانا وقىرماندارىن «اتا زاڭىمىز – ايباتتى!» اتتى قۇقىق ساباعىنا شاقىرادى.
بەلسەندى ۇزاق ءومىر ءسۇرۋ ورتالىعىندا زەينەتكەرلەر اراسىندا شاحماتتان جارىس وتەدى. ە.سەركەبايەۆ اتىنداعى بالالار مۋزىكا مەكتەبى وسى كۇنى «كونستيتۋسيا – بىرلىكتىڭ سيمۆولى» اتتى چەللەندجدى باستايدى.
26 تامىزدا بايقوڭىر اۋدانى اكىمدىگى مەن تاتتىمبەت اتىنداعى №1 ونەر مەكتەبى «ايبارلى اسقار ەلدى اسقاقتاتار اتا زاڭ!» تاقىرىبىندا پوەزيا بايقاۋىن وتكىزەدى.
27 تامىز كۇنى قالا تۇرعىندارى مەن قوناقتارىن مازمۇندى تانىمدىق باعدارلاما كۇتىپ تۇر.
بۇل كۇنى استانادا 13-14 جانە 15-16 جاس ارالىعىنداعى جاسوسپىرىمدەر اراسىندا ۆەلوسپورتتان «استانا قالاسىنىڭ كۋبوگى»، سونداي-اق كىشى رازريادتاعى سپورتشىلار اراسىندا كوركەم گيمناستيكادان اشىق چەمپيونات وتەدى.
«جەتىسۋ» ساياباعىندا ەرەكشە بالالارعا ارنالعان ينكليۋزيۆتى فەستيۆال ۇيىمداستىرىلادى. سونىمەن قاتار، ەلوردالىق جاستاردىڭ اقساقالدارمەن كەزدەسۋى وتەدى. ۇرپاقتار ديالوگى «ءبىزدىڭ زاڭ – ءبىزدىڭ بولاشاق» تاقىرىبىنا ارنالماق.
جاستار ۇيىمدارى ەكولوگيالىق اكسيا وتكىزىپ، كونستيتۋسيا كوشەسىندەگى ساياباقتى تازالايدى.
ساعات 11:00-دە ورتالىق بالالار مەن جاسوسپىرىمدەر كىتاپحاناسى وقىرماندارعا ارنالعان «اتا زاڭ – التىن دىڭگەگىمىز» اتتى كورمە مەن تاعىلىم ساعاتىن دايىندايدى.
ۇلتتىق اكادەميالىق كىتاپحانادا «قازاقستان رەسپۋبليكاسى كونستيتۋسياسىنىڭ 30 جىلى: مەملەكەتتىلىكتى نىعايتۋ جانە زاڭ ۇستەمدىگى» اتتى كەزدەسۋ وتسە، ۇلتتىق قولجازبالار مەن سيرەك كىتاپتار ورتالىعىندا «كونستيتۋسيا – تاۋەلسىزدىكتىڭ تىرەگى» اتتى كورمە اشىلادى.
ەسىل اۋدانىنىڭ اكىمدىگى №103 ورتا مەكتەپتە «كونستيتۋسيا جانە مەن» تاقىرىبىندا BIR TOLQYNDA ديالوگ الاڭىن وتكىزەدى. ال بايقوڭىر اۋدانىنىڭ اكىمدىگى «اتا زاڭ» تاقىرىبىندا پوەزيا بايقاۋىن ۇيىمداستىرادى.
28 تامىز كۇنى ساعات 10:00-دە زاعيپ جانە ناشار كورەتىن ازاماتتارعا ارنالعان ارنايى كىتاپحانادا «ايبارلى اسقار ەلدى اسقاقتاتار اتا زاڭ» اتتى تانىم ساعاتى وتەدى.
ءال-فارابي اتىنداعى وقۋشىلار سارايى «ادالدىق – سەنىم» اتتى چەللەندجدى باستايدى.
ەلورداداعى دوستىق ۇيىندە ەتنومادەني بىرلەستىكتەردىڭ جاستار قاناتتارى اراسىندا «كونستيتۋسيا – ادىلەت پەن بىرلىكتىڭ كەپىلى» تاقىرىبىندا پىكىرتالاس وتەدى.
بايقوڭىر اۋدانىنىڭ اكىمدىگى 25 تامىزدا بالالار اراسىندا «اتا زاڭ – تاۋەلسىزدىك تىرەگى» اتتى سۋرەت بايقاۋىن وتكىزسە، 29 تامىزدا «Kitap Qala» كىتاپحاناسىندا «كونستيتۋسيا – ماڭگىلىك ەلدىڭ تۇعىرى» اتتى كىتاپ كورمەسىن ۇيىمداستىرادى.
27-28 تامىزدا بايقوڭىر اۋدانىنىڭ بەلسەندى ۇزاق ءومىر ءسۇرۋ ورتالىعىندا ەڭبەك ارداگەرلەرى اراسىندا ۇستەل تەننيسى مەن شاحماتتان جارىستار وتەدى.
29-30 تامىزدا دا ءبىرقاتار ءىس-شارا جوسپارلانعان.
28-30 تامىز كۇندەرى نۇرا اۋدانىندا سپورتتىق جارىستار لەگى وتەدى. 28 تامىزدا ساعات 10:00-دە №79 مەكتەپتە كونستيتۋسيا كۇنىنە وراي «اتا زاڭىم – ايبىنىم» اتتى وقۋشىلار اراسىندا شاحمات ءتۋرنيرى وتەدى. 29 تامىزدا ساعات 09:00-دە №78 مەكتەپتە اۋدان مەكەمەلەرى قىزمەتكەرلەرى اراسىندا شاعىن فۋتبولدان تۋرنير ۇيىمداستىرىلادى. 30 تامىزدا ساعات 09:00-دە №79 مەكتەپتە نۇرا اۋدانى قۇقىق قورعاۋ ورگاندارى قىزمەتكەرلەرى اراسىندا شاعىن فۋتبولدان جارىس وتەدى.
29 تامىزدا ساعات 11:00-دە «الجير» مۋزەي-مەموريالدى كەشەنىندە «اتا زاڭىم – ايبىنىم» اتتى ءدارىس وتەدى.
«الاتاۋ» سپورت كەشەنىندە وسى ۋاقىتتا قۇقىق قورعاۋ ورگاندارى قىزمەتكەرلەرى اراسىندا قول كۇرەسى، گىر تاسىن كوتەرۋ، ارقان تارتۋ سايىستارى ۇيىمداستىرىلادى.
قالاداعى قوعامدىق ورىنداردا – ۆوكزالداردا، اۋەجايدا، ساياباقتاردا، ساۋدا ورتالىقتارىندا قازاقستاننىڭ مەملەكەتتىك تۋى تاراتىلىپ، تانىمدىق ۆيكتورينالار وتكىزىلەدى.
29 تامىزدا ساعات 19:00-دە ەركەعالي راحمادييەۆ اتىنداعى مەملەكەتتىك اكادەميالىق فيلارمونيادا «جاساي بەر، قازاق ەلى» اتتى مەرەكەلىك كونسەرت وتەدى.
سول كۇنى ساعات 19:00-دە ەسىل وزەنى جاعالاۋىنداعى امفيتەاتردا «اتا زاڭ – ازات ەلدىڭ ارقاۋى» اتتى كونسەرتتىك باعدارلاما وتەدى.
مەرەكە كۇندەرى ەلوردادا رەسپۋبليكالىق بالالار سۋرەت بايقاۋى «قازاقستان رەسپۋبليكاسى كونستيتۋسياسىنا – 30 جىل: مەن ءوز قۇقىقتارىم مەن مىندەتتەرىمدى بىلەمىن» ۇيىمداستىرىلادى.
№1 بالالار مۋزىكا مەكتەبى مەن №2 ونەر مەكتەبى «اتا زاڭىم – ايبارىم» اتتى كونسەرت دايىندادى.
30 تامىز كۇنى ساعات 12:00-دە ءا.مامبەتوۆ اتىنداعى مەملەكەتتىك دراما جانە كومەديا تەاترىنىڭ الدىندا اشىق اسپان استىندا مەرەكەلىك كونسەرت وتەدى.
«اسپان» سپورت كەشەنىندە جاسوسپىرىمدەر مەن جاستار اراسىندا اسىق اتۋدان اشىق چەمپيونات وتەدى. نۇرا اۋدانى مەكتەپتەرىندە وقۋشىلار اراسىندا شاحمات ءتۋرنيرى ۇيىمداستىرىلادى.
30 تامىزدا «استانا ورمانى» ۆەلوجولىندا كونستيتۋسيا كۇنىنە ارنالعان جاپپاي ۆەلوشەرۋ وتەدى.
«داۋلەت» تەننيس ورتالىعىندا اۋەسقوي تەننيس ءتۋرنيرى، ال «ۇلىتاۋ» سپورت كەشەنىندە ەرلەر اراسىندا ۆولەيبولدان اشىق چەمپيونات ۇيىمداستىرىلادى.
30 تامىزدا «اربات» الاڭىندا ەتنومادەني ورتالىقتاردىڭ مەرەكەلىك كونسەرتى وتەدى.
31 تامىزدا ەلوردادا «Saryarqa Run» مارافونى وتەدى.
سونىمەن قاتار، قازاقستان كونستيتۋسياسىنىڭ 30 جىلدىعىنا وراي قالانىڭ بارلىق اۋدانىندا جاڭا اۋلا كەڭىستىكتەرى اشىلىپ، 14 مىڭ ورىنعا ارنالعان جايلى مەكتەپتەر مەن جاڭا بالاباقشالار ەسىگىن ايقارا اشادى.
