Elordanyń kommýnaldyq qyzmeti táýlik boiy kúsheitilgen aýysym rejiminde jumys júrgizip jatyr,- dep habarlaidy Dalanews.kz Astana ákimdiginiń resmi saityna silteme jasap.
14 aqpan kúni tańerteń qar tazalaý jumysyda 2 552 jol jumysshysy jáne 1 219 arnaiy tehnika jumyldyryldy.
17 aqpanǵa qaraǵan túni qar poligondaryna qaladan 1 781 reispen 23 myń tekshe metr qar shyǵaryldy.
Qys mezgiliniń basynan bastap elordadan 478 264 aýyr júk reisimen 5,9 mln tekshe metrden astam qar shyǵaryldy.
Eń aldymen, erejege sáikes, joldarda keptelis bolmas úshin qozǵalysy óte qarqyndy oryndar tazartylady. Sondai-aq, qarqyndylyǵy ortasha ýchaskeler – alańdar, vokzal mańy aýmaqtary, trotýarlar, áleýmettik nysandarǵa kirme joldar jáne t.b. tazartylady.
Ortalyq kóshelerdi, jolaýshylar kóligi marshrýttary júretin oryndardy, aialdamalar men trotýarlarda tazalaý da basymdyqqa ie.
Qalada birneshe jabdyqtalǵan qar poligony bar. Olar samosval tehnikasynyń nómirlik belgilerin oqý júiesimen jabdyqtalǵan, munda beinebaqylaý kameralary ornatylyp, jaryqtandyrý qosylǵan.
Astana ákimdigi elorda turǵyndary men qonaqtarynan joldarda abai bolýdy, qaýipsizdik erejelerin saqtaýdy, daýyldy eskertý bolǵan jaǵdaida alys saparlarǵa shyqpaýdy surady.
