ەلوردانىڭ كوممۋنالدىق قىزمەتى تاۋلىك بويى كۇشەيتىلگەن اۋىسىم رەجيمىندە جۇمىس جۇرگىزىپ جاتىر،- دەپ حابارلايدى Dalanews.kz استانا اكىمدىگىنىڭ رەسمي سايتىنا سىلتەمە جاساپ.

14 اقپان كۇنى تاڭەرتەڭ قار تازالاۋ جۇمىسىدا 2 552 جول جۇمىسشىسى جانە 1 219 ارنايى تەحنيكا جۇمىلدىرىلدى.

17 اقپانعا قاراعان ءتۇنى قار پوليگوندارىنا قالادان 1 781 رەيسپەن 23 مىڭ تەكشە مەتر قار شىعارىلدى.

قىس مەزگىلىنىڭ باسىنان باستاپ ەلوردادان 478 264 اۋىر جۇك رەيسىمەن 5،9 ملن تەكشە مەتردەن استام قار شىعارىلدى.

ەڭ الدىمەن، ەرەجەگە سايكەس، جولداردا كەپتەلىس بولماس ءۇشىن قوزعالىسى وتە قارقىندى ورىندار تازارتىلادى. سونداي-اق، قارقىندىلىعى ورتاشا ۋچاسكەلەر – الاڭدار، ۆوكزال ماڭى اۋماقتارى، تروتۋارلار، الەۋمەتتىك نىساندارعا كىرمە جولدار جانە ت.ب. تازارتىلادى.

ورتالىق كوشەلەردى، جولاۋشىلار كولىگى مارشرۋتتارى جۇرەتىن ورىنداردى، ايالدامالار مەن تروتۋارلاردا تازالاۋ دا باسىمدىققا يە.

قالادا بىرنەشە جابدىقتالعان قار پوليگونى بار. ولار ساموسۆال تەحنيكاسىنىڭ نومىرلىك بەلگىلەرىن وقۋ جۇيەسىمەن جابدىقتالعان، مۇندا بەينەباقىلاۋ كامەرالارى ورناتىلىپ، جارىقتاندىرۋ قوسىلعان.

استانا اكىمدىگى ەلوردا تۇرعىندارى مەن قوناقتارىنان جولداردا اباي بولۋدى، قاۋىپسىزدىك ەرەجەلەرىن ساقتاۋدى، داۋىلدى ەسكەرتۋ بولعان جاعدايدا الىس ساپارلارعا شىقپاۋدى سۇرادى.