Astanada Esil ózeniniń jaǵalaýynda ornalasqan Kenesary hannyń eskertkishi tuǵyryna qaita ornatyldy. Bul týraly Memlekettik keńesshi Erlan Qarin habarlady, dep habarlaidy Dalanews.kz.
Ol áleýmettik jelide jariialaǵan videosynda eskertkishtiń ornyna qaita qoiylǵanyn aityp, byltyrǵy jaǵdaiǵa qatysty túsinikteme berdi.
– Ótken jyly eskertkishti jóndeý maqsatynda ýaqytsha ornynan alǵanymyzda, áleýmettik jelilerde túrli qaýeset tarady. Keibir azamattar tipti “Kenesarynyń eskertkishi múlde alynyp tastaldy, qaita qoiylmaidy” degen jalǵan aqparat taratty. Shyn máninde, músinge tehnikalyq jóndeý qajet boldy. Qaita ornatý kezinde onyń tuǵyry burynǵydan biiktetildi. Búgin barlyq jumystar aiaqtalyp, eskertkish óz ornyna qoiyldy, – dedi Erlan Qarin.
Aita keteiik, Kenesary hannyń eskertkishi 2023 jyly jóndeý jumystaryna bailanysty ýaqytsha alynǵan bolatyn.
Bul eskertkish – Astananyń eń kórnekti nysandarynyń biri. At ústindegi han beinesi tek qazaqstandyqtardyń emes, sheteldik týristerdiń de nazaryn aýdarǵan. Qola músindi músinshi Nurlan Dalbai men sáýletshi Shota Ýálihanov jasaǵan. Eskertkishtiń tuǵyry – granitten jasalǵan.
