Astananyń Saraıshyq aýdanynda turǵyn úıdiń qasbetine jańa mýral salyndy. Bul is-shara Memleket basshysynyń 2025 jyldy Jumysshy mamandyqtar jyly dep jarıalaýyna oraı uıymdastyryldy, dep habarlaıdy Dalanews.kz

Panno betinde túrli sala ókilderi beınelengen: qurylysshy, dáriger, agronom, elektrık, órt sóndirýshi jáne temirjolshy. Jarqyn tústi boıaýlarmen salynǵan bul sýret aýdanǵa sán berip, eńbek pen jumysshy mamandyq ıelerin qadirleýdiń mańyzyn eske salady.

Jobanyń maqsaty – jumysshy mamandyqtaryn dáripteý, jastardyń suranysqa ıe kásipterge qyzyǵýshylyǵyn arttyrý.

Mýraldyń avtory – sýretshi Ernur Sarsekeev.

Sondaı-aq Saraıshyq aýdanynda «Jumysshy mamandyqtar aleıasy» ashyldy. Jańa skver turǵyndardyń demalys ornyna aınalyp qana qoımaı, eńbek ujymdarynyń el damýyna qosqan úlesin aıshyqtaıtyn nyshanǵa aınaldy.