Demografiialyq esepterge negizdelgen halyq sanynyń ósimi eskerile kele Memleket basshysynyń tapsyrmasy boiynsha ótken jyly perinataldy ortalyq salý jobasyn júzege asyrý bastaldy. Qurylysty «Samuryq-Qazyna» AQ qarjylandyrady. Bul týraly qoǵamdyq densaýlyq saqtaý basqarmasy málimdedi,- dep habarlaidy Dalanews.kz
«Búginde «Samuryq-Qazyna» qory esebinen Saryarqa aýdanynda perinataldyq ortalyqtyń qurylysy júrgizilýde, nysandy 2027 jyly paidalanýǵa berý josparlanǵan. Qala ákimdigi densaýlyq saqtaý nysandarynyń qurylysyna jeke investitsiialar tartý boiynsha belsendi jumys júrgizýde. Biyl eki tolyqqandy jeke klinika (Nurlyjol jáne Hýsein Ben Talal temirjol vokzaldarynyń aýdanynda) paidalanýǵa beriledi. Al aldaǵy úsh jylda investorlar esebinen taǵy eki emhana salynady», – deidi vedomstvo basshysy Áliia Rústemova.
Sondai-aq ol elordadaǵy aýrýhanalar men emhanalardyń materialdyq-tehnikalyq bazasyn jaqsartý týraly aitty. Osylaisha, 2024 jyly qaladaǵy meditsinalyq uiymdarǵa 435 birlik
meditsinalyq jabdyqtar satyp alyndy. Biyl qaladaǵy aýrýhanalar men emhanalar úshin 336 birlik meditsinalyq jabdyq satyp alý josparlanyp otyr.
