Elordanyń kommýnaldyq qyzmetteri qys mezgilinen keiin qalany sanitarlyq tazalaý boiynsha aýqymdy jumys júrgizip jatyr, dep habarlaidy Dalanews.kz
Elordanyń Baiqońyr aýdanynda sanitarlyq tazalaý jumysy qyzý júrip jatyr. Kópirler, qorshaýlar, aialdamalar, trotýarlar, jiekter, jol belgileri kún saiyn jýylady. Qaýipsizdikti jaqsartý maqsatynda aǵashtardy sanitarlyq kesý jáne shóp qyrqý jumystary júrgizilýde. Aýdandy kógaldandyrý aiasynda jańa jasyl alqaptar otyrǵyzý alańdary daiyndalýda. Sondai-aq jumys kópirlerdi, qorshaýlardy, balalar oiyn alańdaryn jóndeý jáne syrlaý, sondai-aq qoqys jáshikteri men konteinerlerdi jóndeýden turady. Aýdandy sanitarlyq tazalaýǵa 123 arnaiy tehnika men 470 jumysshy jumyldyrylǵan.
Dál osyndai jumys Almaty aýdanynda da júrgizilip jatyr. Munda aǵashtardy kesýge, aialdamalardy tazalaýǵa erekshe kóńil bólinip otyr. Keń aýqymdy tazalaý yńǵaily qalalyq ortany qurýǵa arnalǵan. Buǵan 145 arnaiy tehnika men 320 jol jumysshysy jumyldyrylǵan.
Nura aýdanynda aýmaqty tazalaýǵa 140-tan astam arnaiy tehnika men 400-den astam jol qyzmetkeri jumyldyrylǵan. Jol infraqurylymynyń elementteri – aialdamalar, belgiler, baǵdarshamdar, kópirler, trotýarlar, qorshaýlar shań men tozańnan tazartylǵan. Kógaldar retke keltirilip, aǵashtardy sanitarlyq kesý júrgizilýde.
Saraishyq aýdanynda kún saiyn jaiaý júrginshiler joly men kópirler jýylyp, aǵashtar kesilip, kógaldar tazartylyp, jańa jasyl jelekterdi otyrǵyzý úshin kóshetterge arnalǵan shuńqyrlar daiyndalýda. Aýdandy sanitarlyq tazalaýǵa 130 arnaiy tehnika men 350 jol jumysshy jumyldyrylǵan.
Esil aýdanynda jaiaý júrginshiler jolyn tazalaý jáne jýý jumysy jalǵasyp jatyr. Aýdanda jalpy uzyndyǵy 159 myń metrdi quraityn 140-tan astam kóshe bar. Jaiaý júrginshiler jolynyń aýdany 1,3 million sharshy metrden asady jáne onda kún saiyn jumystar júrgizilýde.
Saryarqa aýdanynda 164 arnaiy tehnika men 596 jumysshy jumyldyrylǵan. Qazirgi ýaqytta aýmaqty tazartý jumysy qarqyndy júrgizilýde: joldar, jaiaý júrginshiler joly, kópirler, qorshaýlar men aialdamalar, sondai-aq jaryqtandyrý baǵanalary men kóshe jihazdary jýylyp jatyr.
Búginde elordanyń barlyq alty aýdanynda sanitarlyq tazalaý jumysy júrgizilýde. Trotýarlar men jol tósemderin tazalaý arnaiy tehnikanyń kómegimen júzege asyrylady, sonymen qatar kún saiyn kógaldardaǵy qoqys jáne t.b. tazartylyp jatyr.
