Elorda turǵyndarynyń kóptegen ótinishterine bailanysty qazannyń ekinshi jeksenbisinde atap ótiletin Múgedekter kúnine arnalǵan tólem saralandy. 2024 jyly birinshi toptaǵy múgedekter 20 AEK (69 myń teńge), ekinshisi top 10 AEK (34 500 teńge), úshinshi top 5 AEK (17 250 teńge) alady.
1 shildeden bastap múgedektigi bar azamattarǵa gigienalyq quraldardy (jórgekterdi) – 1460 dana (kúnine 4 dana) berý normalary ulǵaityldy (buryn 730 dana (kúnine 2 dana), alýshynyń qalaýy boiynsha toqsan saiyn qamtamasyz etý – toqsanyna keminde 360 dana.
– 1-toptaǵy múgedektigi bar ertip júrýshilerdi sanatorii-kýrorttyq emdeýge jumsalǵan shyǵyndardy óteý túrindegi tólemder mólsheri 35 AEK-ten 55 AEK-ke deiin ulǵaityldy. Bul norma osy jyldyń 4 qarashasynan bastap engizildi.
Múgedektigi bar adamdar ońaltý jáne abilitatsiialaýdyń jeke baǵdarlamasyna, onyń ishinde áleýmettik jáne kásiptik baǵdarlamasyna sáikes ońaltý qyzmetterimen qamtamasyz etilýde.
Sonymen qatar erekshe qajetilikti talap etetin azamattarǵa tehnikalyq kómekshi quraldar jáne ońaltý qyzmetterimen qamtamasyz etý, áleýmettik ońaltý sharalarymen áleýmettik qyzmetter portaly arqyly 28 myńnan astam múgedek adam qamtylǵan, – dep habarlady Erkebulan Málik.
Sonymen qatar qaladaǵy 19 967 múmkindigi shekteýli azamat qozǵalys quraldaryn, sýrdotehnikalyq, tiflotehnikalyq, gigienalyq, protezdik-ortopediialyq túrinde kómek alǵan.
Ońaltý qyzmetterimen 8 810 adam qamtyldy. Olar – ymdaý tili mamany – 506 adam, jeke kómekshi – 2 762 adam, sanatorii-kýrorttyq emdeýmen – 5 542 adam.
Erekshe qajettilikteri bar adamdar úshin elordada «Invataksi» jumys isteidi. Qyzmetter 5 baǵyt boiynsha 117 avtokólikte – 16 mamandandyrylǵan jáne 101 jeńil avtokólik úzdiksiz qyzmet kórsetedi. Kúnine orta eseppen 1 167 sapar júzege asyrylady, «Invataksi» qyzmetin elordanyń 2 905 turǵyny paidalanýda.
Sonymen qatar, qalanyń barlyq aýdandyq ákimdikteri múmkindigi shekteýli jandar úshin kedergisiz orta sapasyna turaqty monitoring júrgizedi. 2023-2027 jyldarǵa arnalǵan tiisti jol kartasy qabyldandy.
Basqarma sondai-aq 10 vedomstvolyq baǵynysty mekemeniń jumysyn úilestiredi. Onyń 6-aýy arnaýly áleýmettik qyzmetter kórsetedi. Onyń ishinde 4-eýi múgedektigi bar adamdar úshin («Nurly júrek» ÁQKO, «Qamqor» ÁQKO, «Sharapat» ÁQKO, «Jansaia» ÁQKO).
– Sonymen qatar, múgedektigi bar adamdar úshin mynadai áleýmettik kómek túrleri kózdelgen: qalalyq jolaýshylar kóligi marshrýttarynda tegin jol júrý, eki jylda bir ret tis protezdeý qyzmetin alý, sanatsiia, kómir satyp alýǵa, gaz qazandyǵyn ótkizýge jáne ornatýǵa jumsalǵan shyǵyndardy óteý. Eńbekke qabiletti jastaǵy múgedek adamdar úshin jumyspen qamtýǵa járdemdesý sharasy da kózdelgen. Bos oryndarǵa jumysqa ornalastyrý, belsendi jumyspen qamtý sharalary. 2023 jyldyń 11 aiynyń qorytyndysy boiynsha 1 288 múgedek adam jumyssyzdyqtan áleýmettik qorǵaý sharalarymen qamtyldy, – dep habarlady jaýapty basqarma basshysynyń orynbasary.
«Elektrondyq eńbek birjasy» internet-portalynda (www.enbek.kz) múgedek adamdardy jumysqa ornalastyrý úshin 418 jumys orny boiynsha 132 bos jumys orny ornalastyryldy.
Aýyr jumystardy jáne eńbek jaǵdailary ziiandy jáne qaýipti oryndardy qospaǵanda, shtat sanynyń 2-den 4%-ǵa deiingi múgedektigi bar adamdar úshin jumys oryndaryna kvota belgilenedi.
Esepti kezeńde Astanada 39 bos jumys oryndary jármeńkesi ótkizildi, onyń ishinde 2-eýi múgedektigi bar adamdardy jumysqa ornalastyrý boiynsha arnaiy ótkizildi.
