ەلوردا تۇرعىندارىنىڭ كوپتەگەن وتىنىشتەرىنە بايلانىستى قازاننىڭ ەكىنشى جەكسەنبىسىندە اتاپ وتىلەتىن مۇگەدەكتەر كۇنىنە ارنالعان تولەم سارالاندى. 2024 جىلى ءبىرىنشى توپتاعى مۇگەدەكتەر 20 اەك (69 مىڭ تەڭگە)، ەكىنشىسى توپ 10 اەك (34 500 تەڭگە)، ءۇشىنشى توپ 5 اەك (17 250 تەڭگە) الادى.
1 شىلدەدەن باستاپ مۇگەدەكتىگى بار ازاماتتارعا گيگيەنالىق قۇرالداردى (جورگەكتەردى) – 1460 دانا (كۇنىنە 4 دانا) بەرۋ نورمالارى ۇلعايتىلدى (بۇرىن 730 دانا (كۇنىنە 2 دانا)، الۋشىنىڭ قالاۋى بويىنشا توقسان سايىن قامتاماسىز ەتۋ – توقسانىنا كەمىندە 360 دانا.
– 1-توپتاعى مۇگەدەكتىگى بار ەرتىپ جۇرۋشىلەردى ساناتوريي-كۋرورتتىق ەمدەۋگە جۇمسالعان شىعىنداردى وتەۋ تۇرىندەگى تولەمدەر مولشەرى 35 اەك-تەن 55 اەك-كە دەيىن ۇلعايتىلدى. بۇل نورما وسى جىلدىڭ 4 قاراشاسىنان باستاپ ەنگىزىلدى.
مۇگەدەكتىگى بار ادامدار وڭالتۋ جانە ابيليتاسيالاۋدىڭ جەكە باعدارلاماسىنا، ونىڭ ىشىندە الەۋمەتتىك جانە كاسىپتىك باعدارلاماسىنا سايكەس وڭالتۋ قىزمەتتەرىمەن قامتاماسىز ەتىلۋدە.
سونىمەن قاتار ەرەكشە قاجەتىلىكتى تالاپ ەتەتىن ازاماتتارعا تەحنيكالىق كومەكشى قۇرالدار جانە وڭالتۋ قىزمەتتەرىمەن قامتاماسىز ەتۋ، الەۋمەتتىك وڭالتۋ شارالارىمەن الەۋمەتتىك قىزمەتتەر پورتالى ارقىلى 28 مىڭنان استام مۇگەدەك ادام قامتىلعان، – دەپ حابارلادى ەركەبۇلان مالىك.
سونىمەن قاتار قالاداعى 19 967 مۇمكىندىگى شەكتەۋلى ازامات قوزعالىس قۇرالدارىن، سۋردوتەحنيكالىق، تيفلوتەحنيكالىق، گيگيەنالىق، پروتەزدىك-ورتوپەديالىق تۇرىندە كومەك العان.
وڭالتۋ قىزمەتتەرىمەن 8 810 ادام قامتىلدى. ولار – ىمداۋ ءتىلى مامانى – 506 ادام، جەكە كومەكشى – 2 762 ادام، ساناتوريي-كۋرورتتىق ەمدەۋمەن – 5 542 ادام.
ەرەكشە قاجەتتىلىكتەرى بار ادامدار ءۇشىن ەلوردادا «ينۆاتاكسي» جۇمىس ىستەيدى. قىزمەتتەر 5 باعىت بويىنشا 117 اۆتوكولىكتە – 16 مامانداندىرىلعان جانە 101 جەڭىل اۆتوكولىك ۇزدىكسىز قىزمەت كورسەتەدى. كۇنىنە ورتا ەسەپپەن 1 167 ساپار جۇزەگە اسىرىلادى، «ينۆاتاكسي» قىزمەتىن ەلوردانىڭ 2 905 تۇرعىنى پايدالانۋدا.
– كورسەتىلەتىن قىزمەتتى الۋشىلاردى تولىق قامتۋ، سونداي-اق ينۆاتاكسي قىزمەتىن ۇسىنۋ تەتىگىن دامىتۋ، ساپا مەن جىلدامدىقتى ارتتىرۋ شەڭبەرىندە ەلوردادا 2023 جىلعى 10 شىلدەدەن باستاپ ياندەكس Go سەرۆيسى ارقىلى پيلوتتىق جوبا ىسكە قوسىلدى. وعان 195 مۇگەدەك ادام قاتىسىپ، 11 144 ساپار جۇزەگە اسىرىلدى، – دەپ تولىقتىردى سپيكەر.
سونىمەن قاتار، قالانىڭ بارلىق اۋداندىق اكىمدىكتەرى مۇمكىندىگى شەكتەۋلى جاندار ءۇشىن كەدەرگىسىز ورتا ساپاسىنا تۇراقتى مونيتورينگ جۇرگىزەدى. 2023-2027 جىلدارعا ارنالعان ءتيىستى جول كارتاسى قابىلداندى.
باسقارما سونداي-اق 10 ۆەدومستۆولىق باعىنىستى مەكەمەنىڭ جۇمىسىن ۇيلەستىرەدى. ونىڭ 6-اۋى ارناۋلى الەۋمەتتىك قىزمەتتەر كورسەتەدى. ونىڭ ىشىندە 4-ەۋى مۇگەدەكتىگى بار ادامدار ءۇشىن («نۇرلى جۇرەك» اقكو، «قامقور» اقكو، «شاراپات» اقكو، «جانسايا» اقكو).
– سونىمەن قاتار، مۇگەدەكتىگى بار ادامدار ءۇشىن مىناداي الەۋمەتتىك كومەك تۇرلەرى كوزدەلگەن: قالالىق جولاۋشىلار كولىگى مارشرۋتتارىندا تەگىن جول ءجۇرۋ، ەكى جىلدا ءبىر رەت ءتىس پروتەزدەۋ قىزمەتىن الۋ، ساناسيا، كومىر ساتىپ الۋعا، گاز قازاندىعىن وتكىزۋگە جانە ورناتۋعا جۇمسالعان شىعىنداردى وتەۋ. ەڭبەككە قابىلەتتى جاستاعى مۇگەدەك ادامدار ءۇشىن جۇمىسپەن قامتۋعا جاردەمدەسۋ شاراسى دا كوزدەلگەن. بوس ورىندارعا جۇمىسقا ورنالاستىرۋ، بەلسەندى جۇمىسپەن قامتۋ شارالارى. 2023 جىلدىڭ 11 ايىنىڭ قورىتىندىسى بويىنشا 1 288 مۇگەدەك ادام جۇمىسسىزدىقتان الەۋمەتتىك قورعاۋ شارالارىمەن قامتىلدى، – دەپ حابارلادى جاۋاپتى باسقارما باسشىسىنىڭ ورىنباسارى.
«ەلەكتروندىق ەڭبەك بيرجاسى» ينتەرنەت-پورتالىندا (www.enbek.kz) مۇگەدەك ادامداردى جۇمىسقا ورنالاستىرۋ ءۇشىن 418 جۇمىس ورنى بويىنشا 132 بوس جۇمىس ورنى ورنالاستىرىلدى.
اۋىر جۇمىستاردى جانە ەڭبەك جاعدايلارى زياندى جانە ءقاۋىپتى ورىنداردى قوسپاعاندا، شتات سانىنىڭ 2-دەن 4%-عا دەيىنگى مۇگەدەكتىگى بار ادامدار ءۇشىن جۇمىس ورىندارىنا كۆوتا بەلگىلەنەدى.
ەسەپتى كەزەڭدە استانادا 39 بوس جۇمىس ورىندارى جارمەڭكەسى وتكىزىلدى، ونىڭ ىشىندە 2-ەۋى مۇگەدەكتىگى بار ادامداردى جۇمىسقا ورنالاستىرۋ بويىنشا ارنايى وتكىزىلدى.
