Astana qalasyndaǵy Syrbaı Máýlenov atyndaǵy №37 mektep-lıseıinde erekshe bilimdi qajet etetin balalarǵa arnalǵan fýtbol komandasy óz jumysyn bastady, dep habarlaıdy Dalanews.kz
Jobanyń basty maqsaty – barlyq balaǵa teń múmkindik berý, olardyń qoǵamǵa beıimdelýine jaǵdaı jasaý jáne dene shynyqtyrý arqyly ómir sapasyn jaqsartý.
Jańa komanda alǵashqy jattyǵýlaryn bastap ketti. Balalardyń sportqa degen qyzyǵýshylyǵy men qulshynysyn kórip, jattyqtyrýshylar úlken shabyt alyp otyr.
Búgingi tańda komanda quramynda on bala bar. Olar aptanyń senbi jáne jeksenbi kúnderi tegin túrde fýtbolǵa kelip, qatysady.
Jalpy, osy Syrbaı Maýlenov atyndaǵy №37 mektep-lıseıinde aıaq dop oıyny keńinen damyp jatyr. Ótken jyly oqý ordasynyń analardan turatyn «Analar» fýtbol klýby quryldy. Jaqynda ǵana komanda quramy Reseıdiń Omby qalasynda áıelder arasynda ótken halyqaralyq týrnırde ekinshi oryn ıelendi. Erekshe atap ótken jón analar komandasyndaǵy Meıramgúl esimdi oıynshy 14 gol soǵyp, «Úzdik oıynshy» nomınasıasyna ıe boldy.
