استانا قالاسىنداعى سىرباي ماۋلەنوۆ اتىنداعى №37 مەكتەپ-ليسەيىندە ەرەكشە ءبىلىمدى قاجەت ەتەتىن بالالارعا ارنالعان فۋتبول كومانداسى ءوز جۇمىسىن باستادى، دەپ حابارلايدى Dalanews.kz
جوبانىڭ باستى ماقساتى – بارلىق بالاعا تەڭ مۇمكىندىك بەرۋ، ولاردىڭ قوعامعا بەيىمدەلۋىنە جاعداي جاساۋ جانە دەنە شىنىقتىرۋ ارقىلى ءومىر ساپاسىن جاقسارتۋ.
جاڭا كوماندا العاشقى جاتتىعۋلارىن باستاپ كەتتى. بالالاردىڭ سپورتقا دەگەن قىزىعۋشىلىعى مەن قۇلشىنىسىن كورىپ، جاتتىقتىرۋشىلار ۇلكەن شابىت الىپ وتىر.
بۇگىنگى تاڭدا كوماندا قۇرامىندا ون بالا بار. ولار اپتانىڭ سەنبى جانە جەكسەنبى كۇندەرى تەگىن تۇردە فۋتبولعا كەلىپ، قاتىسادى.
جالپى، وسى سىرباي ماۋلەنوۆ اتىنداعى №37 مەكتەپ-ليسەيىندە اياق دوپ ويىنى كەڭىنەن دامىپ جاتىر. وتكەن جىلى وقۋ ورداسىنىڭ انالاردان تۇراتىن «انالار» فۋتبول كلۋبى قۇرىلدى. جاقىندا عانا كوماندا قۇرامى رەسەيدىڭ ومبى قالاسىندا ايەلدەر اراسىندا وتكەن حالىقارالىق تۋرنيردە ەكىنشى ورىن يەلەندى. ەرەكشە اتاپ وتكەن ءجون انالار كومانداسىنداعى مەيرامگۇل ەسىمدى ويىنشى 14 گول سوعىپ، «ۇزدىك ويىنشى» نوميناسياسىنا يە بولدى.
