Astanada er adam súiiktisine bergen 5 million teńgeni qaitarýdy talap etip sotqa júgindi, dep habarlaidy Dalanews.kz.
28 sáýirde aýdanaralyq azamattyq sotta talapkerdiń jaýapkermen internet arqyly tanysqanyn jáne WhatsApp messendjeri arqyly hat alysqanyn anyqtady. Hat almasý barysynda jaýapker densaýlyǵyna bailanysty materialdyq kómek suraǵan, al talapker onyń telefon nómirine Kaspi qosymshasy arqyly aqsha aýdarǵan.
Sot barysynda taraptar arasynda jeke (romantikalyq) qarym-qatynastar bolǵany anyqtaldy, osyǵan bailanysty talapkerdiń aýdarǵan aqshasyn erikti túrde kómek kórsetý retinde bergeni belgili boldy. Alaida, qaryz shartyna sáikes mindettemelerdiń bolǵanyn dáleldeitin aiǵaqtar usynylmady. Kaspi servisi arqyly júrgizilgen aýdarymdarda aqshany qaitarý nemese basqa mindettemeler týraly sharttar bolmaǵan.
Astana qalasynyń azamattyq ister jónindegi aýdanaralyq soty talapkerdiń talabyn qanaǵattandyrýǵa negiz joq dep sheshim shyǵardy. Azamattyq kodekstiń 954-babyna sáikes, qaiyrymdylyq nemese materialdyq kómek retinde berilgen aqsha qaitarylýǵa jatpaidy.
Talapker sot sheshimine shaǵym túsirgenimen, Astana qalalyq sotynyń azamattyq ister jónindegi sot alqasy sheshimdi ózgerissiz qaldyrdy. Sot aktisi zańdy kúshine endi.
