Astana máslihatynyń burynǵy depýtaty Ǵabit Sátmaǵambetov quryltaishysy bolyp keletin "Nur-Sultan Finans" JShS úleskerleriniń aryzy boiynsha sheneýniktiń ústinen qylmystyq is qozǵaldy, dep habarlaidy Dalanews.kz.
"Astana qalasy Esil aýdanynyń politsiia basqarmasy úleskerlerdiń ótinishi boiynsha QR QK 190-babynyń 2-bóligi (alaiaqtyq) boiynsha sotqa deiingi tergep-tekserý jumystaryn júrgizýde. Onyń negizinde istiń mán-jaiyn anyqtaý úshin tiisti sharalar qabyldanady. Qazirgi ýaqytta barlyq qajetti tergeý áreketteri júrgizilýde. Nátijesi boiynsha kináli tulǵalardyń is - áreketterine quqyqtyq baǵa berilip, atalmysh is boiynsha sheshim shyǵarady", - dep jaýap berdi Ishki ister ministrligi QazTAG redaktsiiasynyń joldaǵan saýalyna.
Osy tusta QazTAG agenttiginiń redaktsiiasyna elorda turǵyny Ádilbek Ahmetov júgingen. Ol ózin "Nur-sultan Finans" JShS-niń salymshysy ekenin jáne onyń quryltaishysy atyshýly G-Park qurylys kompaniiasyna ielik etetin Sátmaǵambetov ekenin málimdegen.
Ahmetovtyń aitýynsha, ol sotta úlesker retinde salǵan qarajatyn qaitaryp alý týraly sheshimge qol jetkizgen. Degenmen "Nur-Sultan Finans" JShS sot sheshimin oryndamai otyr. Sonymen qatar "Nur-Sultan Finans" JShS úleskerlerdiń qarajatyn tartýǵa eshqandai quqyǵy bolmaǵan jáne bul qurylys salýshy tarapynan alaiaqtyq faktisi bolyp esepteletinin alǵa tartty.
Ádilbektiń sózinshe, bul qatarda zardap shekken 600-ge jýyq úlesker bar. Sonyń ishinde onǵa jýyǵy sot arqyly qarajatyn qaitarý týraly sheshimge qol jetkizgen.
Endi jábirlenýshiler josyqsyz qurylys salýshynyń ústinen qylmystyq is qozǵamaq. Biraq aitýlarynsha, quqyq qorǵaý organdary bul is boiynsha áreket etýge nietti emes jáne qylmystyq is qozǵaýdan bas tartqan.
Osy tusta olar Sátmaǵambetovtiń aryzy boiynsha politsiia DALAINSIDE jýrnalisterine qarsy qylmystyq is qozǵaǵanyn atap ótti. Al bul jaǵdai qoǵamda úlken narazylyq týdyrǵan soń, is qysqa merzimde toqtatylǵanyna nazar aýdardy.
Eske salaiyq, 19 aqpanda Dalanews jáne DALA INSIDE redaktsiialarynyń jýrnalisteri osy is boiynsha Qazaqstan Jýrnalister Odaǵynan qoldaý surap, Sátmaǵambetov pen onyń qurylys kompaniiasy G-Park tarapynan qysym kórsetilip jatqanyn habarlaǵan bolatyn. Bul Astana qalasy boiynsha Qazaqstan Jýrnalister Odaǵy filialynyń baqylaýynda boldy.
20 aqpanda Mádeniet jáne aqparat ministrliginiń ókilderi Qazaqstan Jýrnalister odaǵynyń elordalyq filialynyń basshysyna habarlasyp, tiisti vedomstvonyń aralasýynan keiin istiń jabylǵanyn habarlady. Buny politsiianyń ózi rastady.
Aita keteiik, sońǵy ýaqytta Sátmaǵambetovtiń basy daýly máseleden aryla almai keledi. Mysaly, 2022 jyly Nur-Sultandaǵy kópbalaly analarmen janjaldasyp, kóptiń synyna ushyraǵan bolatyn. Al aqpan aiynda qurylys kompaniiasyna qatysty qylmystyq is qozǵaldy.
