BIZ BIRGEMIZ Fest erekshe qajettilikteri bar balalardyń shyǵarmashylyq áleýetin qoldaý jáne damytý, sondaı-aq olardy qoǵamdyq ómirge tartý úshin tıisti jaǵdaı jasaý maqsatynda ótkiziledi.
Bıletterdi satýdan túsken barlyq qarajat serebraldy sal aýrýy dıagnozy qoıylǵan balalardy ońaltý ortalyǵyna qajetti medısınalyq jabdyq satyp alýǵa jumsalady.
Festıvál barysynda demeýshiler tarapynan páter kilti eki kópbalaly az qamtylǵan otbasyǵa beriledi.
Festıvál múmkindigi shekteýli jáne múgedek shyǵarmashylyq daryndy balalar men jastardy, qazaqstandyq estrada juldyzdaryn, mesenattardy, elorda turǵyndary men qonaqtaryn biriktiredi.
Uıymdastyrýshylar – Biz birgemiz Qazaqstan qoǵamdyq qorynyń aqparaty boıynsha is-shara qazaqstandyq estradanyń tanymal juldyzdary úshin de, erekshe ártister úshin de barlyq daryndy adamdar úshin teń múmkindikter usynylatyn alańǵa aınalady.
Kesh barysynda Dımash Qudaıbergen, Nazima, Kenjebek Jańabılov (MýzArt), Tamara Asar, Mans&Koba, Mona Songs, ALPHA, AYREE, Danıar Ótegen (Rin ' Go), Qazybek Quraıysh, Baǵjan Oktábr, Erkesh Hasen, Aqtoty Bolshova, Álisher Qonysbaı, Sevda Álıeva, Altynshash Muqataeva, Kenjebek Nurdoldaı, "Qaraqat" mektep-stýdıasy, "SENSITIVE" oryndaýshylyq óner Álem chempıonatynyń Gran-Prı ıegerleri syndy tanymal qazaqstandyq oryndaýshylar óner kórsetedi.
