BIZ BIRGEMIZ Fest ەرەكشە قاجەتتىلىكتەرى بار بالالاردىڭ شىعارماشىلىق الەۋەتىن قولداۋ جانە دامىتۋ، سونداي-اق ولاردى قوعامدىق ومىرگە تارتۋ ءۇشىن ءتيىستى جاعداي جاساۋ ماقساتىندا وتكىزىلەدى.
بيلەتتەردى ساتۋدان تۇسكەن بارلىق قاراجات سەرەبرالدى سال اۋرۋى دياگنوزى قويىلعان بالالاردى وڭالتۋ ورتالىعىنا قاجەتتى مەديسينالىق جابدىق ساتىپ الۋعا جۇمسالادى.
فەستيۆال بارىسىندا دەمەۋشىلەر تاراپىنان پاتەر كىلتى ەكى كوپبالالى از قامتىلعان وتباسىعا بەرىلەدى.
فەستيۆال مۇمكىندىگى شەكتەۋلى جانە مۇگەدەك شىعارماشىلىق دارىندى بالالار مەن جاستاردى، قازاقستاندىق ەسترادا جۇلدىزدارىن، مەسەناتتاردى، ەلوردا تۇرعىندارى مەن قوناقتارىن بىرىكتىرەدى.
ۇيىمداستىرۋشىلار – Biz birgemiz Qazaqstan قوعامدىق قورىنىڭ اقپاراتى بويىنشا ءىس-شارا قازاقستاندىق ەسترادانىڭ تانىمال جۇلدىزدارى ءۇشىن دە، ەرەكشە ارتىستەر ءۇشىن دە بارلىق دارىندى ادامدار ءۇشىن تەڭ مۇمكىندىكتەر ۇسىنىلاتىن الاڭعا اينالادى.
كەش بارىسىندا ديماش قۇدايبەرگەن، Nazima، كەنجەبەك جاڭابيلوۆ (مۋزارت)، تامارا اسار، Mans&Koba، Mona Songs، ALPHA، AYREE، دانيار وتەگەن (Rin ' Go)، قازىبەك قۇرايىش، باعجان وكتيابر، ەركەش حاسەن، اقتوتى بولشوۆا، الىشەر قونىسباي، سيەۆدا الييەۆا، التىنشاش مۇقاتايەۆا، كەنجەبەك نۇردولداي، "قاراقات" مەكتەپ-ستۋدياسى، "SENSITIVE" ورىنداۋشىلىق ونەر الەم چەمپيوناتىنىڭ گران-پري يەگەرلەرى سىندى تانىمال قازاقستاندىق ورىنداۋشىلار ونەر كورسەتەدى.
