Astanada 28 jáne 29 maýsym kúnderi kezekti qalalyq aýyl sharýashylyǵy jármeńkesi ótedi,- dep habarlaıdy Dalanews.kz

Jármeńkede Qazaqstannyń túrli óńirlerinen kelgen jergilikti fermerler men óndirýshilerdiń ónimi usynylady. Qala turǵyndary men qonaqtary kókónis pen jemis-jıdek, et, un jáne sút ónimderi, nan-toqash, tabıǵı shyryndar, tosaptar men djemder jáne basqa da ónimderdi tıimdi baǵamen satyp ala alady.

Shara 28 jáne 29 maýsym kúnderi saǵat 10:00-den 19:00-ge deıin Nurǵısa Tilendıev dańǵyly, 12a mekenjaıyndaǵy «Koktal» saýda-oıyn-saýyq ortalyǵynda ótedi.

Aıta ketý kerek, elordada aýyl sharýashylyǵy jármeńkesi Beıbarys Sultan kóshesi, 23 («Rıo-de-Janeıro» turǵyn úı kesheniniń qarsy betinde) mekenjaıynda turaqty túrde jumys istep tur. Jármeńke kún saıyn saǵat 10:00-den 19:00-ge deıin kelýshilerge ashyq.

Kelýshilerdiń yńǵaılyǵy úshin jármeńke mańynan №2, 32, 49, 50, 73 baǵytyndaǵy avtobýstar júredi. Bul shara ótetin orynǵa jyldam jetýge múmkindik beredi.