استانادا 28 جانە 29 ماۋسىم كۇندەرى كەزەكتى قالالىق اۋىل شارۋاشىلىعى جارمەڭكەسى وتەدى،- دەپ حابارلايدى Dalanews.kz
جارمەڭكەدە قازاقستاننىڭ ءتۇرلى وڭىرلەرىنەن كەلگەن جەرگىلىكتى فەرمەرلەر مەن وندىرۋشىلەردىڭ ءونىمى ۇسىنىلادى. قالا تۇرعىندارى مەن قوناقتارى كوكونىس پەن جەمىس-جيدەك، ەت، ۇن جانە ءسۇت ونىمدەرى، نان-توقاش، تابيعي شىرىندار، توساپتار مەن دجەمدەر جانە باسقا دا ونىمدەردى ءتيىمدى باعامەن ساتىپ الا الادى.
شارا 28 جانە 29 ماۋسىم كۇندەرى ساعات 10:00-دەن 19:00-گە دەيىن نۇرعيسا تىلەندييەۆ داڭعىلى، 12ا مەكەنجايىنداعى «Koktal» ساۋدا-ويىن-ساۋىق ورتالىعىندا وتەدى.
ايتا كەتۋ كەرەك، ەلوردادا اۋىل شارۋاشىلىعى جارمەڭكەسى بەيبارىس سۇلتان كوشەسى، 23 («ريو-دە-جانەيرو» تۇرعىن ءۇي كەشەنىنىڭ قارسى بەتىندە) مەكەنجايىندا تۇراقتى تۇردە جۇمىس ىستەپ تۇر. جارمەڭكە كۇن سايىن ساعات 10:00-دەن 19:00-گە دەيىن كەلۋشىلەرگە اشىق.
كەلۋشىلەردىڭ ىڭعايلىعى ءۇشىن جارمەڭكە ماڭىنان №2، 32، 49، 50، 73 باعىتىنداعى اۆتوبۋستار جۇرەدى. بۇل شارا وتەتىن ورىنعا جىلدام جەتۋگە مۇمكىندىك بەرەدى.
