Astanadaǵy burynǵy Darıǵa Nazarbaevanyń saıajaıy ornalasqan jerdiń taǵdyry belgili boldy. Bul týraly elorda ákimi Jeńis Qasymbek aýdan turǵyndarymen kezdesý barysynda aıtty, dep habarlaıdy Dalanews.kz.

Kezdesý barysynda qala turǵyndary ákimnen saıajaı buzylǵannan keıin bos qalǵan aýmaqqa qatysty suraq qoıdy. Buryn bul aýmaq bıik qorshaýmen qorshalǵan bolatyn.

Ákimniń aıtýynsha, saıajaı ornyna qalalyq ınfraqurylymǵa qajetti jańa nysandar boı kóteredi.

“Qazir bul aýmaqtaǵy qurylys jumystary aıaqtalǵan soń, shamamen 12 shaqyrymǵa sozylatyn ashyq jaǵalaý bolady — Atatúrik saıabaǵynan bastap ári qaraı. Sondaı-aq burynǵy Qarttar úıi men atalǵan (saıajaı — red.) aýmaqtyń arasynda memlekettik mektep salynady”, – dedi Jeńis Qasymbek.

Ákim sondaı-aq, saıajaıdan qalǵan qorshaý tolyqtaı alynyp tastalatynyn jetkizdi.