استاناداعى بۇرىنعى داريعا نازارباەۆانىڭ ساياجايى ورنالاسقان جەردٸڭ تاعدىرى بەلگٸلٸ بولدى. بۇل تۋرالى ەلوردا ەكٸمٸ جەڭٸس قاسىمبەك اۋدان تۇرعىندارىمەن كەزدەسۋ بارىسىندا ايتتى, دەپ حابارلايدى Dalanews.kz.
كەزدەسۋ بارىسىندا قالا تۇرعىندارى ەكٸمنەن ساياجاي بۇزىلعاننان كەيٸن بوس قالعان اۋماققا قاتىستى سۇراق قويدى. بۇرىن بۇل اۋماق بيٸك قورشاۋمەن قورشالعان بولاتىن.
ەكٸمنٸڭ ايتۋىنشا, ساياجاي ورنىنا قالالىق ينفراقۇرىلىمعا قاجەتتٸ جاڭا نىساندار بوي كٶتەرەدٸ.
“قازٸر بۇل اۋماقتاعى قۇرىلىس جۇمىستارى اياقتالعان سوڭ, شامامەن 12 شاقىرىمعا سوزىلاتىن اشىق جاعالاۋ بولادى — اتاتٷرٸك ساياباعىنان باستاپ ەرٸ قاراي. سونداي-اق بۇرىنعى قارتتار ٷيٸ مەن اتالعان (ساياجاي — رەد.) اۋماقتىڭ اراسىندا مەملەكەتتٸك مەكتەپ سالىنادى”, – دەدٸ جەڭٸس قاسىمبەك.
ەكٸم سونداي-اق, ساياجايدان قالعان قورشاۋ تولىقتاي الىنىپ تاستالاتىنىن جەتكٸزدٸ.
