Balalardyń jas erekshelikterin eskere otyryp, mektepke deiingi mekemelerdiń tárbielenýshileri men bastaýysh synyp oqýshylaryna arnalǵan «Juldyzdy jol» olimpiadasy, «Elorda Erketaiy» shyǵarmashylyq baiqaýy, «Bestemshe» sporttyq is-sharasy, 2-7 synyp oqýshylaryna arnalǵan qalalyq ǵylymi jumystar men shyǵarmashylyq jobalar baiqaýy, 2-4 synyp oqýshylary arasyndaǵy respýblikalyq pándik olimpiada úzdiksiz uiymdastrylyp keledi.
Orta býyn oqýshylary úshin jalpy bilim beretin pánder boiynsha jasóspirimder olimpiadasy, 5-6 synyptar úshin respýblikalyq pándik olimpiada, 7-8 synyp oqýshylary úshin geografiia boiynsha Ulttyq olimpiada, himiia jáne biologiia boiynsha Ulttyq olimpiada ótkiziledi.
Osy ziiatkerlik týrnirlerdiń jeńimpazdary men júldegerleri «Daryn» respýblikalyq ǵylymi-praktikalyq ortalyǵynyń diplomdarymen, medaldarmen jáne baǵaly syilyqtarmen marapattalady.
Joǵary synyp oqýshylary úshin respýblikalyq deńgeidegi prezidenttik jáne lingvistikalyq olimpiadalar, jalpy bilim beretin pánder boiynsha ǵylymi jobalar baiqaýy, qalalyq jáne respýblikalyq «Abai oqýlary», «Aqseleý oqýlary», «Qadyr oqýlary», «Maǵjan oqýlary», intellektýaldyq jáne shyǵarmashylyq baiqaýlar: «Abai álemi», «Meniń kishi Otanym», «Meniń bastamam – meniń Otanym úshin», halyqaralyq STEM olimpiadasy, «Robotek Grand Tournament» respýblikalyq robototehnika týrniri, robototehnikadan ǵylymi-tehnikalyq jobalar baiqaýy.
– Jyl saiyn olimpiada qozǵalysynyń sapasy artyp, qatysýshylar qatary kóbeiip keledi. Tek 2023 jyldyń ózinde Astana olimpiadashylary 522 medal ielendi, onyń 257-si – respýblikalyq, 265-i – halyqaralyq. Astana quramasy jyl saiyn «Eń úzdik olimpiadalyq komanda» ataǵyn jeńip alady.
Ziiatkerlik olimpiadalarǵa sapaly daiyndalý jáne sátti óner kórsetý úshin «Astana daryny» daryndy balalar men talantty jastardy anyqtaý jáne qoldaý ortalyǵy kanikýl kúnderi oqý-jattyǵý jiyndaryn ótkizedi jáne jiyn kezinde ótken jyldardaǵy halyqaralyq olimpiadalardyń burynǵy jeńimpazdary men júldegerleri tájiribelerimen bólisip, jas ziiatkerler daiyndyǵyna óz úlesterin qosady, – dedi spiker.
Mektep túlekterine mamandyq tańdaýǵa jáne olardyń talaptary men qajettilikterine sáikes keletin oqý ornyn tańdaýǵa kómektesý úshin Ortalyqta «Qabilet» kásiptik baǵdar berý qyzmeti jumys isteidi.
Atalǵan qyzmettiń negizgi maqsaty – 7-11 synyp oqýshylarynyń ziiatkerlik qabiletteri men kásibi ózin-ózi taný, onyń psihologiiasyn, daǵdysyn, bilimin, daryndylyǵyn eskere otyryp, oqýshynyń kez kelgen mamandyqqa beiimdiligin anyqtaýǵa baǵyttalǵan.
– Daryndy balalardy qoldaý jáne yntalandyrý maqsatynda qala ákimi jyl saiyn elordanyń daryndy oqýshylary – halyqaralyq, respýblikalyq olimpiadalar men ǵylymi joba baiqaýlarynyń jeńimpazdary jáne júldegerlerimen kezdesedi. Oqýshylar Astana qalasy ákiminiń atynan alǵys hattarmen jáne aqshalai sertifikattarmen marapattalady.
Astanadaǵy bilim berý salasynyń júieli jáne jemisti jumysynyń arqasynda elordalyq mektep oqýshylarynyń esimderi halyqaralyq intellektýaldyq arenalarda jii estilip júr.
Halyqaralyq reitingtik olimpiadalardyń jeńimpazdary men júldegerleri (IMO, ICho, IPho, IGeo, IOI, IOL) qazaqstandyq joǵary oqý oryndarynyń bilim berý granttaryn ielense, sonymen qatar bedeldi shetel ýniversitetterine 100% jeńildikpen oqýǵa shaqyrtý alady, – dep atap ótti Bilim basqarmasy basshysynyń orynbasary.
Memlekettiń jan-jaqty qoldaýy men qazaqstandyq oqýshylardyń jetistikteriniń arqasynda tarihta tuńǵysh ret 2024 jyldyń shildesinde Astanada bedeldi álemdik olimpiadalardyń biri – biologiia boiynsha Halyqaralyq olimpiada ótedi.
