Astanadaǵy mamandandyrylǵan aýdanaralyq tergeý sotynda Bekzat Kemelovaǵa qatysty qylmystyq is qaralyp jatyr, dep habarlaıdy Dalanews.kz Qazaqparatqa silteme jasap.
Bul is boıynsha jábirlenýshi retinde Qýandyq Bıshimbaevtyń anasy Almıra Nurlybekova tanylǵan. Aıta keteıik, Bıshimbaev áıeli Saltanat Núkenovany óltirgeni úshin sottalǵan bolatyn. Proseske sýdıa Nazgúl Bapaqova tóraǵalyq etýde.
Aıyptaý máni
İs materıaldaryna sáıkes, Almıra Nurlybekova óziniń týysy Bekzat Kemelova 990 myń AQSH dollaryn (453 mln 182 myń 400 teńge) ıemdenip ketti dep aıyptap otyr.
Sot bastalǵanda Nurlybekovanyń advokaty Erlan Ǵazymjanov sottan Bekzat Kemelovadan keltirilgen materıaldyq shyǵyndy óndirip berýdi surady.
