Elordada 18 jastaǵy qyz «Úsh arys» monýmentiniń ústine shyǵyp, fotosessiia uiymdastyrǵany úshin jaýapkershilikke tartyldy. Oqiǵa áleýmettik jelide qyzý talqyǵa túsip, qoǵam narazylyǵyn týdyrdy, dep habarlaidy dalanews.kz.
Oqiǵa qazaq ádebietiniń kórnekti ókilderi – Beiimbet Mailin, Sáken Seifýllin jáne Iliias Jansúgirovke arnalǵan eskertkish ornalasqan Jazýshylar alleiasynda bolǵan. Jelide taraǵan videoda boijetken Beiimbet Mailin músininiń moinyna minip alyp, aiaǵyn salbyratyp otyrǵany kórinedi. Sol sátte janyndaǵy qurbysy ony sýretke túsirip turǵan.
Videony jýrnalist Dúisenáli Álimaqyn túsirip, áleýmettik jelige jariialaǵan. Onyń aitýynsha, oqiǵa kýágeri retinde qyzdarǵa jaqyndap, monýmentte kimder beinelengenin suraǵan. Alaida olar bir-birine ań-tań bolyp qarap, naqty jaýap bere almaǵan.
— Uialǵan da joq, keshirim de suramady, — deidi jýrnalist.
Jariialanymnan keiin áleýmettik jeli qoldanýshylary qyzdyń áreketin synǵa alyp, qyzý pikirtalas bastaldy.
Keiin politsiia tártip buzýshynyń jeke basyn anyqtap, 18 jastaǵy qyzdy bólimshege jetkizgen. Oǵan qatysty usaq buzaqylyq faktisi boiynsha ákimshilik shara qoldanylyp, materialdar sotqa joldandy.
