Astanada balabaqsha direktory men orynbasary 13 million jymqyrǵan, - dep habarlaidy Dalanews.kz.
2 qazanda Astana qalasynyń qylmystyq ister jónindegi aýdanaralyq sotynda balabaqsha direktory men orynbasaryna sot úkimi shyqty. Ekeýi 13 049 701 teńge kólemindegi múlikti zańsyz iemdenip, ysyrap etken degen kúdikke ilingen.
Sottalýshylardyń kinási kýálardyń aiǵaqtarymen, sot-meditsinalyq saraptamalar men mamandardyń qorytyndylarymen, sondai-aq qylmystyq istiń basqa da materialdarymen dáleldendi.
Prokýror ekeýin memlekettik qyzmette jáne kvazimemlekettik sektorda laýazymdardy atqarý quqyǵynan ómir boiyna aiyra otyryp, 4 jyl 8 aiǵa bas bostandyǵynan aiyrýdy surady.
Balabaqsha direktory men orynbasary kinásin moiyndap, bas bostandyǵynan aiyrýmen bailanysty emes eń tómengi jaza taǵaiyndaýdy surady.
Jazany taǵaiyndaý kezinde sot sottalýshylardyń kinásin moiyndaýyn, jas balalarynyń bolýyn, shyǵyndy óz erkimen qaitarýyn jáne sottalǵandyǵynyń bolmaýyn jeńildetetin mán-jailar dep tanydy. jazany aýyrlatatyn mán-jailar anyqtalǵan joq.
Jasalǵan qylmystyń mán-jaiyn jáne onyń aýyrlyǵyn, keltirilgen ziiandy óteýdi, jazany jeńildetetin mán-jailardyń bolýyn jáne aýyrlatatyn mán-jailardyń joqtyǵyn, jábirlenýshi ókiliniń pikirin eskerip, QK-niń 55-babynyń 4-bóligin paidalana otyryp, sottalýshylar memlekettik qyzmette jáne kvazimemlekettik sektor sýbektilerinde laýazymdardy atqarý quqyǵynan ómir boiyna aiyra otyryp, 3 jylǵa bas bostandyǵyn shekteý jazasy taǵaiyndaldy.
Úkim zańdy kúshine engen joq.
