استانادا بالاباقشا ديرەكتورى مەن ورىنباسارى 13 ميلليون جىمقىرعان, - دەپ حابارلايدى Dalanews.kz.
2 قازاندا استانا قالاسىنىڭ قىلمىستىق ٸستەر جٶنٸندەگٸ اۋدانارالىق سوتىندا بالاباقشا ديرەكتورى مەن ورىنباسارىنا سوت ٷكٸمٸ شىقتى. ەكەۋٸ 13 049 701 تەڭگە كٶلەمٸندەگٸ مٷلٸكتٸ زاڭسىز يەمدەنٸپ, ىسىراپ ەتكەن دەگەن كٷدٸككە ٸلٸنگەن.
سوتتالۋشىلاردىڭ كٸنەسٸ كۋەلاردىڭ ايعاقتارىمەن, سوت-مەديتسينالىق ساراپتامالار مەن مامانداردىڭ قورىتىندىلارىمەن, سونداي-اق قىلمىستىق ٸستٸڭ باسقا دا ماتەريالدارىمەن دەلەلدەندٸ.
پروكۋرور ەكەۋٸن مەملەكەتتٸك قىزمەتتە جەنە كۆازيمەملەكەتتٸك سەكتوردا لاۋازىمداردى اتقارۋ قۇقىعىنان ٶمٸر بويىنا ايىرا وتىرىپ, 4 جىل 8 ايعا باس بوستاندىعىنان ايىرۋدى سۇرادى.
بالاباقشا ديرەكتورى مەن ورىنباسارى كٸنەسٸن مويىنداپ, باس بوستاندىعىنان ايىرۋمەن بايلانىستى ەمەس ەڭ تٶمەنگٸ جازا تاعايىنداۋدى سۇرادى.
جازانى تاعايىنداۋ كەزٸندە سوت سوتتالۋشىلاردىڭ كٸنەسٸن مويىنداۋىن, جاس بالالارىنىڭ بولۋىن, شىعىندى ٶز ەركٸمەن قايتارۋىن جەنە سوتتالعاندىعىنىڭ بولماۋىن جەڭٸلدەتەتٸن مەن-جايلار دەپ تانىدى. جازانى اۋىرلاتاتىن مەن-جايلار انىقتالعان جوق.
جاسالعان قىلمىستىڭ مەن-جايىن جەنە ونىڭ اۋىرلىعىن, كەلتٸرٸلگەن زيياندى ٶتەۋدٸ, جازانى جەڭٸلدەتەتٸن مەن-جايلاردىڭ بولۋىن جەنە اۋىرلاتاتىن مەن-جايلاردىڭ جوقتىعىن, جەبٸرلەنۋشٸ ٶكٸلٸنٸڭ پٸكٸرٸن ەسكەرٸپ, قك-نٸڭ 55-بابىنىڭ 4-بٶلٸگٸن پايدالانا وتىرىپ, سوتتالۋشىلار مەملەكەتتٸك قىزمەتتە جەنە كۆازيمەملەكەتتٸك سەكتور سۋبەكتٸلەرٸندە لاۋازىمداردى اتقارۋ قۇقىعىنان ٶمٸر بويىنا ايىرا وتىرىپ, 3 جىلعا باس بوستاندىعىن شەكتەۋ جازاسى تاعايىندالدى.
ٷكٸم زاڭدى كٷشٸنە ەنگەن جوق.
