Elordada áielder densaýlyǵy, kontratseptsiia jáne qoǵamnyń áielderdiń reprodýktivti quqyqtary týraly habardarlyǵyn arttyrý máselelerine arnalǵan ashyq talqylaý ótti.
Talqylaýdy QR Prezidenti janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń múshesi Nazym Janǵazinova júrgizdi.
Kezdesýdiń basty maqsaty – qoǵam nazarynan tys qalyp júrgen taqyryptardy ashyq talqylaýǵa arnalǵan alań qurý. Joǵary sanatty akýsher-ginekolog, meditsina ǵylymdarynyń doktory Ainur Tóletova keń taralǵan ginekologiialyq aýrýlar, jynystyq jolmen beriletin infektsiialar, zamanaýi kontratseptsiia ádisteri jáne jasóspirimderdiń jynystyq tárbiesiniń mańyzy týraly baiandady.
Talqylaý barysynda qazaqstandyqtar arasynda júrgizilgen saýalnama nátijeleri de usynyldy. Zertteý kórsetkendei, respondentterdiń 73%-y jedel kontratseptsiianyń bar ekendigin biledi, bul qoǵamda osy taqyryp boiynsha habardarlyqtyń birtindep artyp kele jatqanyn kórsetedi.
Alaida, 43%-y jedel kontratseptsiia bedeýlikke ákelýi múmkin dep eseptese, 55%-y ony túsik jasatýmen teńestiredi.
Ainur Tóletova bul keń taraǵan qate pikirlerdi joqqa shyǵardy.
"Jedel kontratseptsiia preparattary urpaq órbitý qabiletine áser etpeidi. Olardyń áser etý mehanizmi ýaqytsha jáne reprodýktivti júiege ziian keltirmeidi. Bul - ǵylymi dáleldengen fakt. Preparattar ovýliatsiiany nemese uryqtanýdy boldyrmaidy, biraq júkti bolǵan jaǵdaidy úzbeidi. Kontratseptsiia – bul densaýlyqqa qaýip emes, kerisinshe, kúrdeli jaǵdailardyń aldyn alý múmkindigi", - dedi ol.
"Gedeon Rihter Qazaqstan" kompaniiasynyń ókili Dinara Birmaǵanbetova osyndai is-sharalardyń mańyzdylyǵyn atap ótti.
"Áielder densaýlyǵy taqyrybynyń ashyq talqylana bastaǵanyna qýanyshtymyz. Áielder senimdi aqparatqa qol jetkizip, densaýlyǵyna qatysty sheshimderdi ýaqytyly qabyldai alýy óte mańyzdy", - dedi kompaniia ókili.
Is-sharaǵa belgili qoǵam qairatkerleri men media tulǵalar qatysty, olardyń ishinde telejúrgizýshi, jýrnalist jáne mediamenedjer, «Maryam» qorynyń negizin qalaýshy Láilá Sultanqyzy jáne «Jaqsylyq klýby» qaiyrymdylyq qozǵalysynyń negizin qalaýshy Gúlmira Abdrasheva bar. Olar túrli qiyn jaǵdailarǵa tap bolǵan áielderge kómek kórsetý tájiribesimen bólisti.
Sonymen qatar, kezdesý barysynda Láilá Sultanqyzy, Gúlmira Abdrasheva, Ainur Tóletova jáne Nazym Janǵazinova Kazakhstan Women’s Health jobasynyń ambassadorlary bolyp taǵaiyndaldy.
Gedeon Richter Kazakhstan kompaniiasy Kazakhstan Women’s Health jobasy aiasynda uiymdastyrǵan is-sharaǵa jalpy sany 50-ge jýyq adam, sonyń ishinde jýrnalister, qoǵam qairatkerleri jáne depýtattar qatysty.
