ەلوردادا ايەلدەر دەنساۋلىعى، كونتراسەپسيا جانە قوعامنىڭ ايەلدەردىڭ رەپرودۋكتيۆتى قۇقىقتارى تۋرالى حاباردارلىعىن ارتتىرۋ ماسەلەلەرىنە ارنالعان اشىق تالقىلاۋ ءوتتى.
تالقىلاۋدى ق ر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ مۇشەسى نازىم جانعازينوۆا جۇرگىزدى.
كەزدەسۋدىڭ باستى ماقساتى – قوعام نازارىنان تىس قالىپ جۇرگەن تاقىرىپتاردى اشىق تالقىلاۋعا ارنالعان الاڭ قۇرۋ. جوعارى ساناتتى اكۋشەر-گينەكولوگ، مەديسينا عىلىمدارىنىڭ دوكتورى اينۇر تولەتوۆا كەڭ تارالعان گينەكولوگيالىق اۋرۋلار، جىنىستىق جولمەن بەرىلەتىن ينفەكسيالار، زاماناۋي كونتراسەپسيا ادىستەرى جانە جاسوسپىرىمدەردىڭ جىنىستىق تاربيەسىنىڭ ماڭىزى تۋرالى باياندادى.
تالقىلاۋ بارىسىندا قازاقستاندىقتار اراسىندا جۇرگىزىلگەن ساۋالناما ناتيجەلەرى دە ۇسىنىلدى. زەرتتەۋ كورسەتكەندەي، رەسپوندەنتتەردىڭ 73%-ى جەدەل كونتراسەپسيانىڭ بار ەكەندىگىن بىلەدى، بۇل قوعامدا وسى تاقىرىپ بويىنشا حاباردارلىقتىڭ بىرتىندەپ ارتىپ كەلە جاتقانىن كورسەتەدى.
الايدا، 43%-ى جەدەل كونتراسەپسيا بەدەۋلىككە اكەلۋى مۇمكىن دەپ ەسەپتەسە، 55%-ى ونى تۇسىك جاساتۋمەن تەڭەستىرەدى.
اينۇر تولەتوۆا بۇل كەڭ تاراعان قاتە پىكىرلەردى جوققا شىعاردى.
"جەدەل كونتراسەپسيا پرەپاراتتارى ۇرپاق ءوربىتۋ قابىلەتىنە اسەر ەتپەيدى. ولاردىڭ اسەر ەتۋ مەحانيزمى ۋاقىتشا جانە رەپرودۋكتيۆتى جۇيەگە زيان كەلتىرمەيدى. بۇل - عىلىمي دالەلدەنگەن فاكت. پرەپاراتتار وۆۋلياسيانى نەمەسە ۇرىقتانۋدى بولدىرمايدى، ءبىراق جۇكتى بولعان جاعدايدى ۇزبەيدى. كونتراسەپسيا – بۇل دەنساۋلىققا ءقاۋىپ ەمەس، كەرىسىنشە، كۇردەلى جاعدايلاردىڭ الدىن الۋ مۇمكىندىگى"، - دەدى ول.
"گەدەون ريحتەر قازاقستان" كومپانياسىنىڭ وكىلى دينارا بىرماعانبەتوۆا وسىنداي ءىس-شارالاردىڭ ماڭىزدىلىعىن اتاپ ءوتتى.
"ايەلدەر دەنساۋلىعى تاقىرىبىنىڭ اشىق تالقىلانا باستاعانىنا قۋانىشتىمىز. ايەلدەر سەنىمدى اقپاراتقا قول جەتكىزىپ، دەنساۋلىعىنا قاتىستى شەشىمدەردى ۋاقىتىلى قابىلداي الۋى وتە ماڭىزدى"، - دەدى كومپانيا وكىلى.
ءىس-شاراعا بەلگىلى قوعام قايراتكەرلەرى مەن مەديا تۇلعالار قاتىستى، ولاردىڭ ىشىندە تەلەجۇرگىزۋشى، جۋرناليست جانە مەديامەنەدجەر، «Maryam» قورىنىڭ نەگىزىن قالاۋشى ءلايلا سۇلتان قىزى جانە «جاقسىلىق كلۋبى» قايىرىمدىلىق قوزعالىسىنىڭ نەگىزىن قالاۋشى گۇلميرا ابدراشيەۆا بار. ولار ءتۇرلى قيىن جاعدايلارعا تاپ بولعان ايەلدەرگە كومەك كورسەتۋ تاجىريبەسىمەن ءبولىستى.
سونىمەن قاتار، كەزدەسۋ بارىسىندا ءلايلا سۇلتان قىزى، گۇلميرا ابدراشيەۆا، اينۇر تولەتوۆا جانە نازىم جانعازينوۆا Kazakhstan Women’s Health جوباسىنىڭ امباسسادورلارى بولىپ تاعايىندالدى.
Gedeon Richter Kazakhstan كومپانياسى Kazakhstan Women’s Health جوباسى اياسىندا ۇيىمداستىرعان ءىس-شاراعا جالپى سانى 50-گە جۋىق ادام، سونىڭ ىشىندە جۋرناليستەر، قوعام قايراتكەرلەرى جانە دەپۋتاتتار قاتىستى.
