Astanada Aqnár Hamittiń anasyn politsiia ustap áketti. Bul jaǵdaiǵa Astana Politsiia departamentiniń baspasóz qyzmeti pikir bildirdi, dep habarlaidy Dalanews.kz.
"Esil aýdany politsiiasyna ruqsat etilmegen jiynǵa bailanysty úsh áiel jetkizildi. Azamattarmen beibit jinalystardy uiymdastyrý jáne ótkizý tártibin retteitin qoldanystaǵy zań talaptaryn saqtaý qajettigi jóninde túsindirý jumystary júrgizildi", - dedi politsiia.
Aita keteiik, bul týraly zańger Inga Imanbai áleýmettik jelidegi paraqshasynda málimdegen edi.
"Qaitys bolǵan jastardyń - Sana Merlannyń, Aqanova Ádeldiń jáne Aqnar Gúlstannyń analary Prezident Ákimshiliginiń keńsesi (kantseliariiasy) ǵimaratynyń aldynda politsiia qyzmetkerleri tarapynan ustaldy. Analar Qasym-Jomart Toqaevtyń atyna ujymdyq ótinish tapsyrý úshin barǵan. Ótinishtiń maqsaty - balalarynyń ólimine qatysty qylmystyq isterdiń obektivti, táýelsiz jáne tolyq tergelýin talap etý. Alaida olar ǵimaratqa kirip úlgermegen. Ótinish qabyldanbaǵan. Analardy politsiia belgisiz baǵytqa alyp ketken", - dedi ol.
2024 jyly 22 jastaǵy Aqnár Hamit Almatydaǵy turǵyn úi kesheniniń jetinshi qabatynan qulap mert bolǵan.
Eske salaiyq, buǵan deiin Aqnár Hamittiń anasy qyzynyń qazasyna qatysty isti Astanaǵa berýdi talap etti.
