Elordada alǵash ret Naýryz meiramyna orai uiymdastyrylǵan «Naýryz bal» atty is-shara ótti. Bul kesh túrli elderdiń diplomatiialyq korpýsyn, halyqaralyq uiym basshylaryn jáne sheteldik kompaniialar ókilderin jinaǵan erekshe mereke boldy. Is-sharany QR Mádeniet jáne aqparat ministrligi uiymdastyrdy, – dep habarlaidy Dalanews.kz.
QR Mádeniet jáne aqparat ministri Aida Balaeva Naýryz meiramyn toilaýdyń jańa formatyna toqtalyp, Ulttyq quryltaidyń úshinshi otyrysynda Memleket basshysy sóz etken negizgi tezisterdi atap ótti.
Merekelik is-sharada Qazaqstandaǵy tuńǵysh kópultty «BIRLIK» án-bi ansambli de ónerin kórsetti. Ujym kópultty birlik pen mádenietaralyq dialogtyń biregei úlgisin kórsetti. Ol 2024 jyly álem halyqtarynyń mádeni murasyn saqtaý jáne nasihattaý, dástúrli mýzyka men bidi dáripteý maqsatynda qurylǵan.
Diplomatiialyq baldyń qurmetti qonaqtary da qazaqstandyqtardy Naýryz meiramymen quttyqtady.
– Naýryz merekesimen shyn júrekten quttyqtaimyn! Barsha qazaqstandyqtarǵa zor densaýlyq, baqyt, jaqsylyq pen amandyq tileimin! Bul – qýanysh pen jańarý kezeńi sizderdiń júrekterińizge jarqyn jáne jyly sezim uialatsyn, al úilerińizge beibitshilik pen amandyq ákelsin, – dedi BUU-nyń Turaqty úilestirýshisi Mikael Friberg-Stori.
– Naýryz kóktemniń alǵashqy lebimen birge keldi. Kóktemgi kún men túnniń teńelý kúni ár otbasyna baqyt, qýanysh ákeletinine, jańa jylda jaqsy oqiǵalar bolatynyna senimdimin, – dedi Germaniianyń Qazaqstandaǵy Elshisi Monika Iversen óz quttyqtaýynda.
– Bul meiram – adamdarǵa baqytty ómir súrýge, damýǵa, órkendeýge, dostyq, bereke men mahabbatqa úmit syilaityn kóktemgi jańarý merekesi. Naýryz birlik pen turaqtylyq meiramyna ainalyp, úilerińizge baqyt ákelsin jáne oilaǵan dúnieniń barlyǵy júzege assyn, – dedi Ortalyq Aziia boiynsha sýbaimaqtyq úilestirýshi, Qazaqstan, Qyrǵyzstan, Túrikmenstan jáne Ózbekstandaǵy HKU missiiasynyń basshysy Zeinal Gadjiev.
