Astanada ýákiletti memlekettik organ 4 investorǵa jer telimderin berýden negizsiz bas tartqan, dep habarlaidy Dalanews.kz.
Qala prokýratýrasy aqparatyna sáikes, bas tartýlar aqparattyq júielerdegi tehnikalyq problemalarǵa negizdelgen, sonyń saldarynan irgeles jer paidalanýshylardyń ýchaskeleri bir-biriniń ústine qoiylǵan. Osyǵan balanysty investorlar uzaq ýaqyt boiy investitsiialyq jobalardy odan ári iske asyrý úshin jer ýchaskelerin ala almaǵan.
"Prokýrorlyq qadaǵalaý aktisi boiynsha investorlardyń problemalyq máselesi sheshilip, kináli adamdar tártiptik jaýapkershilikke tartyldy. Qabyldanǵan sharalar «halal» standarttary boiynsha jartylai fabrikattar óndirý tsehyn salý, munai ónimderi qoimasyn salý jáne paidalaný, óndiristik-qoima keshenin paidalaný jáne gazoblok óndirisi boiynsha jobalardy iske asyrýdy jalǵastyrýǵa yqpal etti", – delingen prokýratýra habarlamasynda.
Bul jobalarǵa salynǵan investitsiia kólemi 4,1 mlrd teńgeden asady. Olardy iske asyrý 240-tan astam jumys ornyn qurýǵa múmkindik beredi.
