استانادا ۋاكىلەتتى مەملەكەتتىك ورگان 4 ينۆەستورعا جەر تەلىمدەرىن بەرۋدەن نەگىزسىز باس تارتقان، دەپ حابارلايدى Dalanews.kz.
قالا پروكۋراتۋراسى اقپاراتىنا سايكەس، باس تارتۋلار اقپاراتتىق جۇيەلەردەگى تەحنيكالىق پروبلەمالارعا نەگىزدەلگەن، سونىڭ سالدارىنان ىرگەلەس جەر پايدالانۋشىلاردىڭ ۋچاسكەلەرى ءبىر-بىرىنىڭ ۇستىنە قويىلعان. وسىعان بالانىستى ينۆەستورلار ۇزاق ۋاقىت بويى ينۆەستيسيالىق جوبالاردى ودان ءارى ىسكە اسىرۋ ءۇشىن جەر ۋچاسكەلەرىن الا الماعان.
"پروكۋرورلىق قاداعالاۋ اكتىسى بويىنشا ينۆەستورلاردىڭ پروبلەمالىق ماسەلەسى شەشىلىپ، كىنالى ادامدار تارتىپتىك جاۋاپكەرشىلىككە تارتىلدى. قابىلدانعان شارالار «حالال» ستاندارتتارى بويىنشا جارتىلاي فابريكاتتار ءوندىرۋ سەحىن سالۋ، مۇناي ونىمدەرى قويماسىن سالۋ جانە پايدالانۋ، وندىرىستىك-قويما كەشەنىن پايدالانۋ جانە گازوبلوك ءوندىرىسى بويىنشا جوبالاردى ىسكە اسىرۋدى جالعاستىرۋعا ىقپال ەتتى"، – دەلىنگەن پروكۋراتۋرا حابارلاماسىندا.
بۇل جوبالارعا سالىنعان ينۆەستيسيا كولەمى 4،1 ملرد تەڭگەدەن اسادى. ولاردى ىسكە اسىرۋ 240-تان استام جۇمىس ورنىن قۇرۋعا مۇمكىندىك بەرەدى.
