Elordanyń «Januia» otbasy institýtyn qoldaý ortalyǵynda Qazaqstanda maýsymnyń úshinshi jeksenbisinde atap ótiletin ákeler kúnine orai «Áke shańyraqtyń tiregi» atty merekelik is-shara uiymdastyryldy, dep habarlaidy Dalanews.kz Astana ákimdiginiń resmi saityna silteme jasap.
Is-sharaǵa ortalyqtyń súiemeldeýindegi jáne erekshe qajettiligi bar balalardy tárbielep otyrǵan, áleýmettik az qamtylǵan otbasylardan jáne halyqtyń áleýmettik osal toptarynan ákeler shaqyryldy.
Is-sharanyń maqsaty – ákeniń otbasyndaǵy jáne qoǵamdaǵy rólin arttyrý, sondai-aq jaýapty áke bolý máselesine jurtshylyqtyń nazaryn aýdarý.
«Búgin biz ákelerge arnalǵan «Áke shańyraqtyń tiregi» atty is-shara uiymdastyrdyq. Arnaiy spikerlerdi shaqyrdyq, olar balanyń ómirindegi ákeniń róli týraly jan-jaqty málimet berdi. Búgingi is-sharanyń arqasynda biz jaýapty áke bolý máselesine nazar aýdarǵymyz keledi. Osyndai kezdesýlerdi bizdiń «Januia» ortalyǵy turaqty negizde uiymdastyrady. Biz qiyn ómirlik jaǵdaiǵa tap bolǵan otbasylarǵa kómektesemiz – olardy qoldaimyz jáne psihologiialyq, zańgerlik kómek kórsetemiz. Sonymen qatar, biz barlyq merekelerge kóńil bólemiz. Búgin elorda turǵyndaryn Ákeler kúnimen quttyqtaýǵa shaqyryp otyrmyz», – dedi «Januia» otbasy institýtyn qoldaý ortalyǵynyń BAQ-pen ózara is-qimyl bóliminiń basshysy Aldiiar Talasov.
Shaqyrylǵan spikerler is-shara qonaqtaryna óz oqiǵalary, tájiribeleri týraly aitty.
Qatysýshylar aldynda «Senim Bolashaq» RQB elordalyq filialynyń direktory Sherhan Arapbai, «Januia» otbasy institýtyn qoldaý ortalyǵynyń aqparattyq tehnologiialar bóliminiń basshysy Berik Nurdáýletov, qalalyq ákeler keńesiniń múshesi Jalǵas Quspekov sóz sóiledi.
Qatysýshylar balalardy tárbieleý, áke bolýdyń mańyzdylyǵy, mektepke deiingi jáne mekteptegi bilim berý jáne t.b. týraly ózderin qyzyqtyrǵan suraqtaryn qoidy.
«Maǵan búgingi is-shara óte unady. Kóptegen paidaly nárselerdi bildim, basqa ákelermen tanystym. Balalardy tárbieleý boiynsha kóptegen keńester aldym, basqa ata-analardyń tájiribesi týraly bildim. Meniń oiymsha, Ákeler kúnin toilaý – bul keremet ideia, óitkeni áke – otbasynyń tiregi», – dep bólisti úsh balanyń ákesi Iýrii Novgorodov.
