Qazaqstan meditsinasy orny tolmas qazaǵa ushyrady. Belgili kardiolog, meditsina ǵylymdarynyń doktory, professor, Qazaqstannyń eńbek sińirgen dárigeri Sáýle Raiymbekqyzy Ábseiitova dúnieden ótti, dep habarlaidy dalanews.kz.
Sáýle Ábseiitova elimizdegi jetekshi kardiologtardyń biri boldy. Ol Qazaqstan Kardiologtar qaýymdastyǵynyń tóraiymy retinde júrek-qan tamyrlary aýrýlaryn emdeý, aldyn alý jáne otandyq kardiologiia salasyn damytýǵa zor úles qosty.
Bilikti dáriger sanaly ǵumyryn adam ómirin saqtaýǵa, meditsina ǵylymyn jetildirýge jáne jas mamandardy tárbieleýge arnady. Onyń kásibi sheberligi men adamgershilik qasieti áriptesteri men patsientteri tarapynan joǵary baǵalandy.
Sáýle Raiymbekqyzynyń myńdaǵan naýqastyń ómirine arasha túsken eńbegi qazaq meditsinasynyń tarihynda óshpes iz bolyp qalmaq.
Marqumnyń otbasy men jaqyndaryna qaiǵyra kóńil aitamyz.
