Astananyń qoǵamdyq kólik parki 45%-ǵa jańardy. Bul jańa avtobýstardyń arqasynda múmkin boldy. Sońǵy eki jylda jelige 700-den astam avtobýs shyqty. OKQ brifinginde Astana ákimi Jeńis Qasymbek qoǵamdyq kólik pen jol infraqurylymyn damytý máselesi týraly aitty, – dep habarlaidy Dalanews.kz.
– Memleket basshysynyń tapsyrmasy boiynsha keshendi kólik júiesin damytý strategiiasy ázirlenip, bekitildi. Baǵdarlamanyń mindetteriniń biri – qarbalas ýaqytta qozǵalys jyldamdyǵyn arttyrý, jailylyq pen qoljetimdilikti jaqsartý arqyly qoǵamdyq kólikti paidalaný úlesin arttyrý.
Biyl jalpy uzyndyǵy 60 km bolatyn 50 kóshege ortasha jóndeý júrgizildi. Ál-Farabi dańǵylynan Táýelsizdik dańǵylyna deiingi kópirdiń qurylysy aiaqtaldy, bul Máńgilik El dańǵylyndaǵy kólik aǵynynyń azaiýyna áser etti, sol siiaqty oń jáne sol jaǵalaýlar arasyndaǵy jyldam qozǵalysqa septigin tigizdi.
Mysaly, biyl jelige 300-den astam avtobýs shyqty. Eki jyl ishinde avtobýs parki 706 jańa avtobýspen tolyqty. Osylaisha, qalanyń avtoparki 45%-ǵa jańartyldy.
2025 jyly qoǵamdyq kólik parkin taǵy 300 birlikke ulǵaitý josparlanyp otyr.
