Astanada 7 mamyr – Otan qorǵaýshylar kúni men 9 mamyr – Uly Otan soǵysyndaǵy Jeńistiń 80 jyldyǵyna arnalǵan 100-ge jýyq túrli is-shara josparlanyp otyr. Olardyń arasynda kontsertter, kórmeler, aktsiialar men spektaklder bar,- dep habarlaidy Dalanews.kz
6-8 mamyr kúnderi adam kóp jinalatyn oryndarda eriktiler blits-saýalnama júrgizip, qoǵamdyq oryndarda «Jeńis lentasy» lentalary men tósbelgilerin taratatyn bolady.
6 mamyrda saǵat 19:00-de M.Gorkii atyndaǵy memlekettik akademiialyq orys drama teatrynda «Áliia» spektaklin kórsetýdi josparlap otyr, sonymen birge E.Rahmadiev atyndaǵy Memlekettik akademiialyq filarmoniiada «Kesteli oramal» merekelik kontserti ótedi. Sondai-aq, «Jastar» saraiynda saǵat 19:00-de «Astana» estradalyq-simfoniialyq orkestriniń kontserttik baǵdarlamasy josparlanǵan.
Astanada «VIRTUS WORLD TENNIS CHAMPIONSHIP» (damýynda ziiatkerlik kemistigi bar tulǵalar) erler men áielder arasynda tennisten álem chempionaty ótip jatyr, ol 11 mamyrǵa deiin «Dáýlet» tennis ortalyǵynda myna mekenjai boiynsha jalǵasady: Qordai kóshesi, 6. Kórermenderge kirý tegin.
6-10 mamyr aralyǵynda elordada sporttyq gimnastikadan ashyq qalalyq chempionat ótýde. Jarys Á. Jangeldin, 9A mekenjaiy boiynsha «Jeńis» SK ótedi. Kórermenderge kirý tegin.
2025 jylǵy 7 mamyrda saǵat 11:00-de Astanada kontsertter men áskeri paradtyń tikelei kórsetilimi ótedi. Saǵat 11:00-den bastap úlken LED ekrandar arqyly sherý birden birneshe orynda kórsetiledi:
1. Elorda ákimdigi ǵimaratynyń janyndaǵy qalalyq alańda (tikelei efir jáne merekelik kontsert);
2. «Astana Arena» stadionynyń aýmaǵynda (tikelei efir jáne merekelik kontsert);
3. «Astana Music Hall» avtoturaq aýmaǵy (Qumyra) B.Momyshuly dańǵyly, 1 (tek tikelei transliatsiia).
Sonymen qatar, is-shara respýblikalyq telearnalardyń tikelei efirinde kórsetiledi.
Saǵat 12:00-de Á.Mámbetov atyndaǵy memlekettik drama jáne komediia teatrynyń aýmaǵynda ártisterdiń qatysýymen ashyq aspan astynda merekelik kontsert uiymdastyrylady.
8 mamyr kúni saǵat 15.00-de Uly Otan soǵysyndaǵy Jeńistiń 80 jyldyǵyna orai jáne «Taza Qazaqstan» ekologiialyq aktsiiasy aiasynda aǵash otyrǵyzý aktsiiasyn ótkizý josparlanyp otyr.
9 mamyrda Botanikalyq baqta elordalyq stýdentter men oqýshylar arasynda Uly Otan soǵysyndaǵy Jeńistiń 80 jyldyǵyna arnalǵan jeńilatletikalyq estafeta ótedi. Estafeta saǵat 9:00-de bastalady. Qatysýǵa sporttyq daiyndyǵy bar jáne meditsinalyq tekserýden ótken oqýshylar men stýdentter jiberiledi (komandalar basshy men dáriger kýálandyrǵan ótinimdi usynýy tiis).
9 mamyrda Uly Otan soǵysyndaǵy Jeńistiń 80 jyldyǵyna orai «Jastar» saiabaǵynda saǵat 11:00-den 17:00-ge deiin jáne qalalyq alańda saǵat 17:00-de merekelik kontsertter ótedi. Sol kúni saǵat 18:00-de Á.Mambetov atyndaǵy memlekettik drama jáne komediia teatry «Ar adamy – Baýyrjan» spektakliniń premerasy ótedi.
Sondai-aq, 9 mamyrda saǵat 10:00-den 12:00-ge deiin qala ákimdigi, QR Qorǵanys ministrligi ókilderiniń, «Jas Sarbaz» balalar-jasóspirimder áskeri-patriottyq qozǵalysynyń tárbielenýshileriniń, áskeri orkestrdiń qatysýymen orkestrmen quttyqtaý bolady.
Sonymen qatar, 9 mamyrda elordada «Qazaqstan Barysy Grand Slam» dziýdodan halyqaralyq týrnir bastalady. Jarys J. Úshkempirov atyndaǵy Jekpe-jek saraiynda ótedi. Kórermenderge kirý tegin.
10 mamyr kúni saǵat 17:00-de E.Rahmadiev atyndaǵy Memlekettik akademiialyq filarmoniiada «Mamyr valsi» merekelik kontserti ótedi.
10 mamyr kúni saǵat 18:00-de Á.Mambetov atyndaǵy memlekettik drama jáne komediia teatrynyń sahnasynda «Ar adamy. Baýyrjan» sahnalanady.
Esterińizge sala keteiik, Jeńistiń 80 jyldyǵyna orai Uly Otan soǵysynyń ardagerleri men múgedekterine, áskeri is-qimyldarǵa qatysýshylarǵa, Astanada turatyn tyl eńbekkerlerine birjolǵy tólem aýdaryldy. Sondai-aq, «Qamqorlyq mekenjaiy» aktsiiasy aiasynda ardagerlerge azyq-túlik sebetteri tabystalady, aýlalar qoqystardan tazartylady jáne t.b.
