Almatyda bir jyldan beri kásipker Vladislav Lihachev pen onyń burynǵy enesi jáne áieli arasyndaǵy sot daýy jalǵasatyn boldy. Búgin Almatyda ótken baspasóz konferentsiiasynda burynǵy enesi Liliia Anoshina men zańger Tatiana Belovadan zardap shektim degen reseilik azamat appeliiatsiialyq shaǵym túsirgenin málimdedi. Joǵarydaǵy eki tulǵaǵa qatysty qozǵalǵan qylmys is negizinde Almaty qalasynyń Qylmystyq ister jónindegi mamandandyrylǵan aýdanaralyq soty 2026 jylǵy 21 mamyrda úkim shyǵarǵan. Sot Tatiana Belovany eki bap boiynsha kináli dep taýyp, taǵy bir bap boiynsha aqtap shyqqan, dep jazady Dalanews.kz
Endi jábirlenýshi Vladislav Lihachev pen onyń advokattary kúdikti Belovany Qazaqstan Respýblikasy Qylmystyq kodeksiniń 190-babynyń 4-bóliginiń 2-tarmaǵynda kózdelgen alaiaqtyq epizody boiynsha da kináli dep tabýdy suraidy. Sot otyrysy aldaǵy seisenbide Almaty qalalyq sotynda ótedi.
“Iá, Belovaǵa taǵylǵan úsh birdei aiyppen ol jazalanyp, túrmege otyrýy kerek edi. Qazaqstan Respýblikasy Qylmystyq kodeksiniń 419-babynyń 3-bóliginde kózdelgen kórineý jalǵan aryz berý qylmysyn jasaǵany úshin kináli. Bopsalaý baby boiynsha da aiypty. Endeshe nelikten alaiaqtyq úshin aqtalyp otyr. Osy jeri biz úshin túsiniksiz. Sottyń alǵashqy instantsiiasynda shyǵarylǵan úkimmen kelispeimiz. Qazir meniń advokatarym Almaty qalalyq sotyna osy isti qaita saralaýdy usynyp, appeliiatsiialyq shaǵym túsirip otyr. Allyńǵy sot taǵaiyndaǵan jaza, sondai-aq sottyń jasalǵan qylmystyń sipaty, qoǵamdyq qaýiptilik dárejesi jáne onyń saldary týraly qorytyndylary zań talaptaryna sáikes kelmeidi, jetkilikti negizdelmegen ári ádiletsiz dep esepteimin”,- deidi Vladislav Lihachev.
Jábirlenýshi dep tanylǵan kásipker óz aryzy negizinde 200 myń AQSh dollarynan astam qarajattyń qaitarylmaýyna bailanysty qylmystyq is qozǵaýdy talap etip QR Bas prokýroryna aryz jazǵan. Al 2024 jyly kerisinshe onyń enesi Aniýshina men onyń tanysy Belova Reseide turatyn kásipkerdiń ózin aiyptap, quqyq qorǵaý organdaryna aryzdanǵan. Lihachevke qarsy Qazaqstanda qylmystyq is qozǵalyp, oǵan izdeý jarialanady. Politsiiaǵa ózi kelip túsinikteme bergen soń, tártip saqshylary onyń burynǵy enesi Liliia Anoshina men oǵan zańgerlik qyzmet kórsetetin Tatiana Belovaǵa qatysty úsh bappen is qozǵady. Bopsalaý, alaiaqtyq jáne quqyq qorǵaý organdaryna kórneý jalǵan aqparat bergen degen baptarmen bul is sotqa joldanady.
Lihachevtiń aitýynsha, kólemi 250 myń AQSh dollaryn áieliniń anasy Aniýshina men zańger Belovaǵa shtelden 5 avtokólik ákelý úshin bergen. Alaida bul qarajatty óz paidalaryna jaratqan eki áiel Lihachevtiń ózine jala jaýyp, tergeý organdaryna jalǵan málimetter bergen. Sóitip kólik ákelip satýdy josparlaǵan biznesmendi qorqytyp-úrkitken. Ony dáledeitin aýdiojazbalar men ózge de dálelder saralanyp, bul is boiynsha Vladislav Lihachev jábirlenýshi dep tanyldy.
Búgingi baspasóz máslihatynda Vlalislav Lizachevtiń advokattary sottyń isti bura tartqanyn málimdep, Almaty qalasynyń Qylmystyq ister jónindegi mamandandyrylǵan aýdanaralyq sotynyń sýdiasy Nurlanovtyń áreketterin synǵa aldy. Advokat Alesandr Barisenko birinshi satydaǵy sot úkimimen kelispeý negizderin alǵa tartty.
“Meniń qorǵaýymdaǵy Lihachev birinshi satydaǵy sottyń joǵaryda kórsetilgen bóliktegi úkimimen kelispeidi. Sebebi ony zańsyz jáne negizsiz dep sanaimyn. Sondyqtan ol Qazaqstan Respýblikasy Qylmystyq-protsestik kodeksiniń 433-babynda kózdelgen negizder boiynsha kúshin joiýǵa jatady.
Daý týǵyzyp otyrǵan úkimdi shyǵarý kezinde sot qylmystyq jáne qylmystyq-protsestik zań talaptarynyń eleýli buzýshylyqtaryna jol berdi. Atalǵan zańbuzýshylyqtar jiyntyǵynda qabyldanǵan sheshimniń zańdylyǵyna, negizdiligine jáne ádildigine tikelei áser etti dep sanaimyz”,- deidi qorǵaýshy.
Sot talqylaýy barysynda dáleldemelerdi jan-jaqty, tolyq, obektivti jáne tikelei zertteý qaǵidattary saqtalmaǵan. Kerisinshe, sot tergeýi birjaqty sipatta júrgizilip, jábirlenýshi taraptyń protsestik quqyqtary júieli túrde shektelgen, dep sanaimyz deidi Aleksandr Borisenko.
“Atap aitqanda, sot búkil sot talqylaýy barysynda jábirlenýshi men onyń ókili usynǵan ótinishhattardy únemi qanaǵattandyrýdan bas tartty. Sonyń ishinde, jábirlenýshiniń ózi sot otyrysyna qatysýyn qamtamasyz etken kýáni jaýap alýǵa shaqyrý týraly ótinish te qanaǵattandyrylmady. Sonymen qatar, sot qylmystyq isti durys sheshý úshin eleýli mańyzy bar jazbasha dáleldemelerdi iske tirkeýden birneshe ret bas tartty. Al jábirlenýshi tarap usynǵan keibir ótinishhattar zańda belgilengen tártippen sot otyrysynda múlde qaralmai qaldy”,- deidi Lihachevtiń advokaty.
Al kerisinshe sot qorǵaý tarapynyń ótinishhattaryn qanaǵattandyryp, sottalýshy Tatiana Belova men onyń qorǵaýshylary usynǵan shyǵý tegi kúmándi qujattardy qylmystyq is materialdaryna tirkegen. Keiinnen sot úkimniń ýájdeý bóliminde dál osy materialdarǵa silteme jasalǵany tańqaldyrdy. Biz usynǵan ótinishhattardyń qaralýy jábirlenýshi taraptyń quqyqtary men zańdy múddelerine tikelei áser etetini sózsiz edi, deidi advokattar.
Osylaisha, birinshi satydaǵy sot Tatiana Belovany kórineý jalǵan aryz berý qylmysyn jasaǵany úshin kináli dep durys tanyǵanymen, jasalǵan qylmystyń qoǵamdyq qaýiptilik dárejesin jáne sottalýshynyń jeke basyn durys baǵalamaǵan. Sonyń saldarynan oǵan shamadan tys jeńil ári ádiletsiz jaza taǵaiyndalǵan.
Sot Belovanyń kórineý jalǵan aryzdy aldyn ala josparlap bergenine, onyń alaiaqtyq áreketterin jasyrý tásili bolǵanyna tiisti quqyqtyq baǵa bermegen. Sonymen qatar, aryz bergennen keiin Belova T.V. zańǵa qaishy áreketterin toqtatpai, Vladislav Gennadevich Lihachevti qylmystyq jaýapkershilikke tartýǵa baǵyttalǵan áreketterin jalǵastyrǵany, buqaralyq aqparat quraldary arqyly jalǵan málimetter taratqany, jasandy dálelder qalyptastyrýǵa árekettengeni, buryn habarlaǵan jalǵan málimetterin qoldap otyrǵany jáne sot úkimi shyǵarylǵanǵa deiin kinásin moiyndap, jasaǵan isine ókinbegeni de eskerilmegen.
Budan bólek, sot jábirlenýshi Vladislav Gennadevich Lihachevke keltirilgen zardaptyń aýyrlyǵyna tiisti baǵa bermedi. Sonyń nátijesinde moraldyq ziiandy óteý mólsheri negizsiz tómendetilip otyr. Osy mán-jailardy eskere otyryp, Tatiana Belovaǵa taǵaiyndalǵan jaza Qazaqstan Respýblikasy Qylmystyq kodeksiniń 52, 53 jáne 63-baptarynyń talaptaryna, ádildik pen qylmystyq jaýaptylyqty daralandyrý qaǵidattaryna sáikes kelmeidi. Sondyqtan jaza bas bostandyǵynan aiyrýmen bailanysty neǵurlym qatań jazaǵa aýystyrylýǵa, al moraldyq ziiandy óteý mólsheri istiń naqty mán-jailaryn eskere otyryp ulǵaitylýǵa tiis.
Osyǵan bailanysty, Qazaqstan Respýblikasy Qylmystyq-protsestik kodeksiniń 71, 418–426, 430, 431 jáne 433–442-baptaryn basshylyqqa ala otyryp, Almaty qalasynyń Qylmystyq ister jónindegi mamandandyrylǵan aýdanaralyq sotynyń 2026 jylǵy 21 mamyrdaǵy úkiminiń Belovany Qazaqstan Respýblikasy Qylmystyq kodeksiniń 190-babynyń 4-bóliginiń 2-tarmaǵy boiynsha aqtaǵan bóliginiń kúshin joiýdy suraimyn. Al atalǵan bóliginde jańa aiyptaý úkimin shyǵaryp, Tatiana Belovany Qazaqstan Respýblikasy Qylmystyq kodeksiniń 190-baby 4-bóliginiń 2-tarmaǵynda kózdelgen qylmystyq quqyq buzýshylyqty jasaǵany úshin kináli dep tanyp, bap sanktsiiasy sheginde bas bostandyǵynan aiyrý túrindegi jaza taǵaiyndaýdy talap etemiz, deidi jábirlenýshiler.
Appeliiatsiialyq shaǵym 14 shildede Almaty qalalyq sotynda qaralady.
Sońy.
