Jambyl oblysynda jol-kólik oqiǵasynan keiin komada jatqan Nurjigit esin jiyp, jaqyndaryn tanyp otyr, dep habarlaidy dalanews.kz.
Bul týraly eks-Májilis depýtaty Baqytjan Bazarbek áleýmettik jelidegi paraqshasynda málimdedi. Onyń aitýynsha, Nurjigit komadan shyǵyp, áieli men balalaryn, ata-anasy men baýyrlaryn tanyǵan.
Bazarbek Taraz qalasyndaǵy №1 qalalyq kópbeiindi aýrýhana dárigerlerine alǵys bildirdi. Onyń jazýynsha, naýqasty elimizdiń tájiribeli reanimatologtarynyń biri Mýsin Ǵamzat Afendievich bastaǵan anesteziologiia jáne reanimatsiia bóliminiń mamandary emdep jatyr.
«Nurjigit komadan shyqty, oiandy. Esin kirgizip, áieli men balalaryn, aǵa-inilerin, týǵan-týystaryn tanyp otyr», – dep jazdy Bazarbek.
Ol sondai-aq áleýmettik jelilerde naýqastyń jaǵdaiyna qatysty rastalmaǵan nemese burmalanǵan aqparat taratpaýǵa shaqyrdy.
Nurjigit 15 tamyzda Jambyl oblysy Turar Rysqulov aýdanynda bolǵan jol apatynan keiin aýyr halde aýrýhanaǵa túsken. Dárigerler oǵan politravma, aýyr bas-mi jaraqaty, miynyn soǵylýy, qabyrǵalarynyń birneshe jerden synýy, eki jaqty gemopnevmotoraks, oń aiaǵy súiekteriniń ashyq synýy jáne II-III dárejeli travmalyq shok diagnozdaryn qoiǵan.
Jol apatyna qatysty politsiia qylmystyq is qozǵaǵan. Aldyn ala málimet boiynsha, Toyota kóliginiń júrgizýshisi jolda turǵan er adamdy qaǵyp ketken. Baqytjan Bazarbek keiin jol apatyna ózi qatysqanyn rastaǵanymen, tergeý qupiiasyna bailanysty oqiǵanyń mán-jaiyn ashyp aita almaitynyn málimdegen.
28 tamyzda Nurjigit Qulandaǵy aýdandyq aýrýhanadan Taraz qalasyndaǵy aýrýhanaǵa arnaiy reanimobilmen jetkizilgen. Ol kezde er adam 13 kún boiy komada jatqan, al dárigerler onyń jaǵdaiynan oń dinamika baiqaǵan.
Qazir Nurjigittiń emin Tarazdaǵy mamandar jalǵastyryp jatyr.
