Quryltai jumysynyń reglamenti kelesi otyrysta depýtattardyń qaraýyna usynylady, dep habarlaidy dalanews.kz.
Quryltai biýrosy buqaralyq aqparat quraldary ókilderin akkreditteý erejelerin bekitti. Ázirge qujattyń tolyq mátini jariialanǵan joq. Sondyqtan jańa erejelerde jýrnalisterdiń kýlýarlarda jumys isteýine qatysty qandai da bir shekteýlerdiń bar-joǵy belgisiz. Quryltaidyń baspasóz qyzmeti akkreditteý erejeleri jaqyn ýaqytta resmi quryltai.kz saitynda jariialanatynyn habarlady.
Biýro otyrysy quryltai tóraǵasy Aibek Dádebaidyń jetekshiligimen ótti. Jiynda quryltai jumysynyń reglamenti talqylandy. Qujat bir palataly modeldiń erekshelikteri men quryltaiǵa berilgen jańa konstitýtsiialyq ókilettikterdi eskere otyryp, depýtattardyń jumys tártibin aiqyndaidy.
Reglament jobasy aldaǵy quryltai otyrysynda túpkilikti qaralady.
Buǵan deiin quryltai otyrysynda jýrnalisterge BAQ jumysyna qatysty erejelerdiń ózgerýi múmkin ekeni habarlanǵan bolatyn. Belgili bolǵandai, jýrnalister depýtattarǵa suraqtardy tek arnaiy baspasóz ortalyǵynda qoia alady. Al quryltai ǵimaraty ishinde depýtattarǵa óz betinshe jaqyndap, pikir alýyna tyiym salynbaq.
Otyrystan keiin jýrnalister yqtimal shekteýlerge qatysty depýtattardyń pikirin bilmek bolǵan. Alaida olarmen tildesý úshin ǵimarat syrtyna shyǵýǵa týra kelgen.
