13-20 shilde aralyǵynda talapkerlerden grant konkýrsyna qatysý úshin ótinish qabyldanady, dep habarlaidy dalanews.kz.
Qujattardy joǵary oqý oryndaryndaǵy qabyldaý ortalyqtary arqyly oflain (virtýaldy qabyldaý komissiialary arqyly onlain) nemese eGov arqyly onlain tapsyrýǵa bolady.
Grant konkýrsyna qatysý úshin talapkerler jeke kýálik, UBT sertifikatyn, 3h4 kólemindegi foto, orta bilim týraly attestat (tehnikalyq jáne kásiptik bilim berý uiymdarynyń túlekteri úshin diplom) tapsyrýy kerek. Sondai-aq, bar bolǵan jaǵdaida jeńildetilgen sanat boiynsha konkýrsqa qatysý úshin rastaityn qujattar usynylady.
Bilim berý granty konkýrsyna qatysý jáne aqyly negizde oqýǵa túsý úshin UBT nátijeleri boiynsha mynadai shekti baldar belgilengen:
- "Pedagogikalyq ǵylymdar" jáne "Quqyq" baǵyttary boiynsha – keminde 75 ball;
- "Densaýlyq saqtaý" baǵyty boiynsha – keminde 70 ball;
- "Aýyl sharýashylyǵy jáne bioresýrstar" men "Veterinariia" baǵyttary boiynsha – keminde 50 ball;
- ulttyq joǵary oqý oryndaryna túsý úshin – keminde 65 ball;
- basqa joǵary oqý oryndaryna túsý úshin – keminde 50 ball.
Bilim berý granty iegerleriniń tizimi 10 tamyzǵa deiin jariialanady.
