13-20 شٸلدە ارالىعىندا تالاپكەرلەردەن گرانت كونكۋرسىنا قاتىسۋ ٷشٸن ٶتٸنٸش قابىلدانادى, دەپ حابارلايدى dalanews.kz.
قۇجاتتاردى جوعارى وقۋ ورىندارىنداعى قابىلداۋ ورتالىقتارى ارقىلى وفلاين (ۆيرتۋالدى قابىلداۋ كوميسسييالارى ارقىلى ونلاين) نەمەسە eGov ارقىلى ونلاين تاپسىرۋعا بولادى.
گرانت كونكۋرسىنا قاتىسۋ ٷشٸن تالاپكەرلەر جەكە كۋەلٸك, ۇبت سەرتيفيكاتىن, 3ح4 كٶلەمٸندەگٸ فوتو, ورتا بٸلٸم تۋرالى اتتەستات (تەحنيكالىق جەنە كەسٸپتٸك بٸلٸم بەرۋ ۇيىمدارىنىڭ تٷلەكتەرٸ ٷشٸن ديپلوم) تاپسىرۋى كەرەك. سونداي-اق, بار بولعان جاعدايدا جەڭٸلدەتٸلگەن سانات بويىنشا كونكۋرسقا قاتىسۋ ٷشٸن راستايتىن قۇجاتتار ۇسىنىلادى.
بٸلٸم بەرۋ گرانتى كونكۋرسىنا قاتىسۋ جەنە اقىلى نەگٸزدە وقۋعا تٷسۋ ٷشٸن ۇبت نەتيجەلەرٸ بويىنشا مىناداي شەكتٸ بالدار بەلگٸلەنگەن:
- "پەداگوگيكالىق عىلىمدار" جەنە "قۇقىق" باعىتتارى بويىنشا – كەمٸندە 75 بالل;
- "دەنساۋلىق ساقتاۋ" باعىتى بويىنشا – كەمٸندە 70 بالل;
- "اۋىل شارۋاشىلىعى جەنە بيورەسۋرستار" مەن "ۆەتەرينارييا" باعىتتارى بويىنشا – كەمٸندە 50 بالل;
- ۇلتتىق جوعارى وقۋ ورىندارىنا تٷسۋ ٷشٸن – كەمٸندە 65 بالل;
- باسقا جوعارى وقۋ ورىندارىنا تٷسۋ ٷشٸن – كەمٸندە 50 بالل.
بٸلٸم بەرۋ گرانتى يەگەرلەرٸنٸڭ تٸزٸمٸ 10 تامىزعا دەيٸن جارييالانادى.
