Sheteldik týristerdiń Almatyǵa degen qyzyǵýshylyǵy 71 paiyzǵa artty. Bul týraly Almaty qalasynyń Týrizm basqarmasy málimdedi, dep habarlaidy dalanews.kz.
Almaty Ortalyq Aziiadaǵy eń tartymdy týristik baǵyttardyń biri retindegi ornyn nyǵaityp keledi. Mastercard Tourism Insights jáne D/AI Destinations halyqaralyq taldaý platformalarynyń málimetine sáikes 2026 jylǵy birinshi toqsanda Almatyǵa ushaq biletterin izdeý suranystary byltyrmen salystyrǵanda 71 paiyzǵa ósken.
Ásirese, Qytai (+166%), AQSh (+93%), Ulybritaniia (+85%) jáne Ońtústik Koreia (+75%) elderinen qyzyǵýshylyq kóptep tirkelgen.
"Tsifrlyq pikirlerdi taldaý qorytyndysy boiynsha Almatyǵa saparlap kelgen týristerdiń jalpy baǵalaý indeksi - 82,6 ball. Basqarma málimetinshe, qaladaǵy kórikti oryndar, qonaq úiler, meiramhanalar jáne qysqa merzimge jalǵa beriletin nysandar eń joǵary baǵalanǵan", - dep jazylǵan habarlamada.
