“Qazgidromet” RMK aldaǵy úsh kúnge arnalǵan aýa raiy boljamyn jariialady. Sinoptikterdiń málimetinshe, elimizdiń soltústiginde jańbyr jaýyp, naizaǵai oinasa, ońtústik pen shyǵysta aptap ystyq saqtalady, dep habarlaidy dalanews.kz.
Boljamǵa sáikes, soltústik-batys tsiklony men atmosferalyq fronttardyń áserinen Qazaqstannyń soltústik óńirlerinde jańbyr jaýyp, naizaǵai kútiledi. 15-16 shilde kúnderi kei jerlerde nóser jańbyr jaýyp, burshaq túsýi múmkin. Sondai-aq jeldiń kúsheiýi men daýyldy qubylystar boljanyp otyr.
Sinoptikterdiń aitýynsha, tsiklonnyń yqpalymen eldiń soltústik bóliginde aýa temperatýrasy tómendep, kúndiz +25…+30°C shamasynda bolady.
Al Qazaqstannyń ońtústik jáne shyǵys óńirlerine Ózbekstan aýmaǵynan qurǵaq ári ystyq aýa massalary kelýin jalǵastyrady. Sonyń saldarynan bul aimaqtarda jaýyn-shashynsyz, aptap ystyq aýa raiy saqtalady. Kúndizgi temperatýra ońtústikte +40…+45°C-qa, al shyǵysta +33…+38°C-qa deiin kóteriledi.
