“قازگيدرومەت” رمك الداعى ٷش كٷنگە ارنالعان اۋا رايى بولجامىن جارييالادى. سينوپتيكتەردٸڭ مەلٸمەتٸنشە, ەلٸمٸزدٸڭ سولتٷستٸگٸندە جاڭبىر جاۋىپ, نايزاعاي ويناسا, وڭتٷستٸك پەن شىعىستا اپتاپ ىستىق ساقتالادى, دەپ حابارلايدى dalanews.kz.
بولجامعا سەيكەس, سولتٷستٸك-باتىس تسيكلونى مەن اتموسفەرالىق فرونتتاردىڭ ەسەرٸنەن قازاقستاننىڭ سولتٷستٸك ٶڭٸرلەرٸندە جاڭبىر جاۋىپ, نايزاعاي كٷتٸلەدٸ. 15-16 شٸلدە كٷندەرٸ كەي جەرلەردە نٶسەر جاڭبىر جاۋىپ, بۇرشاق تٷسۋٸ مٷمكٸن. سونداي-اق جەلدٸڭ كٷشەيۋٸ مەن داۋىلدى قۇبىلىستار بولجانىپ وتىر.
سينوپتيكتەردٸڭ ايتۋىنشا, تسيكلوننىڭ ىقپالىمەن ەلدٸڭ سولتٷستٸك بٶلٸگٸندە اۋا تەمپەراتۋراسى تٶمەندەپ, كٷندٸز +25…+30°C شاماسىندا بولادى.
ال قازاقستاننىڭ وڭتٷستٸك جەنە شىعىس ٶڭٸرلەرٸنە ٶزبەكستان اۋماعىنان قۇرعاق ەرٸ ىستىق اۋا ماسسالارى كەلۋٸن جالعاستىرادى. سونىڭ سالدارىنان بۇل ايماقتاردا جاۋىن-شاشىنسىز, اپتاپ ىستىق اۋا رايى ساقتالادى. كٷندٸزگٸ تەمپەراتۋرا وڭتٷستٸكتە +40…+45°C-قا, ال شىعىستا +33…+38°C-قا دەيٸن كٶتەرٸلەدٸ.
